1 Cipau nai mipui hanghena ne mipei hangge de tui lu eh rang zie,

"Anui katei anui taktyei tyei zie, anui katei anui gu paini teu zie.

Dede anui ngngam keugi di kerane peu anuide nzi teu lo."

2 Cipau nai RAMPAUBE kiak hezuyi nah kendu ge zie,

nah kideu tsibe nggum zie

nah Israel ga ringkebammedung ziemne penui sui yisüt zie.

3 Zion gage püt kai kedime cide teipet dizie

nah Jerusalem ga bang kedime de kemcime lie quzie,

mikeheibe de Jerusalem ga lunghbam lie eh pezi rau kelume.

4 Rampaube Zion napuidung kehera hui nggah kedidau aide tei pet dizie,

nah Jerusalem kakga hejai lwa kedidung de tei mci dizie,

rabe tutiak gade nah rabe miheu gade.

5 Iciu eh Zion kideutu pelane reu nah pe ngkwa heni reu gage,

RAMPAUBE hemwa nah mika tingna teigai zie,

nah tingmui cai miheu gi kembaa ge;

kendu pelane pereu gum beuzie kecune.

6 Cide tingna kelum gade nsiu lu kera ziemne pesung ge,

nah tingkai nah tingrui gade kwak nah gum luzie.