1 Isaiah rangla, "Bel keukei mie, Nebo koktung mie; penai gu mamiedung

makaunedung nah hepwet kerüt gu teikuu ne teupung. Nnui teupung kela mamie aidungde au leu kela makaune ziemne hepwet kerüt ge.

2 Penui ncüt eh keukei mie, kwaktung mie; penui mamiedung de kelilu gailak,

nah penui be hebaangme ge teidi.

3 RAMPAUBE rangzeu, "A kwa kingneilu, Jacob leuhme, bang pwa kebam Israel leuhme leune,

nna lu kemakne gade Ih ne penui mapie, pe pui pok gade penui mapie.

4 Nnui kecingting gade de Ih au pa da, nah nnui peu pu di kemaktane Ih nnui mapie lazie.

Ih nnui de tei ai nah Ih nnui mapie luzie; Ih nnui mapie zie nah Ih nnuide kelilu zie.

5 Cau dage nnui acu keu keda zie no? Nnui Ih cau nzwa lie eh cet lano, iciu eh anai de keu keda lu kera?

6 Pe bung gade mina kecak rui mpetla nah riangteukwak gage rangkanggeu teubeu la.

Penui hegeu ta keteime de li lula, nah pa herabe ge tei lula; penui keumie nah cide de reca.✝

7 Penui penui keutu gage cide pwa ncuh gaila nah cide de pung lula; penui cide de pebam gage kaigai, nah cide pe bam sap bamla nah cikade nlai lama.

Penui cide dage mra gaila, dede cide penui sam keli gailak mede migede de pe lungrei gade keli gailak.

8 Ma aidungde nsunglu; aide nsung muila lu, nnui kemaume!

9 Ndaa Ih tei kedidung de nsung gailo,

kedanemene Ih Tinggwang lu, nah keda migede gah, Ih au Tinggwang, nah Ih nzwa migede gah.

10 Ih kekambe de raitu gade ranggai dida nah tei kemakdung de mrai ranggai dida;

Ih ranggai, "Ih riem kegaidung de teigwang zie, nah Ih tei keneube nzwa Ih tei zie."

11 Ih naimiak kepetle de tui ketyei nruine ge de qu gai, hangdeu kemdei gade Ih a lungningbe pei de qu gai;

yeo, Ih ranggai dida; Ih cide teicang zie; Ih cet mning luda, Ih cide tei zie.

12 A kwa kingneilu, nnui nnui lung ketakme, petaube tei kera gade mdei la kecume.

13 Ih a kesamsang de teugwang nna zie; cide mdei la meda, nah a kelikelu kwa lama;

nah Ih a kelikelu Zion de peu zie nah Israel de a kendu teugwang beuzie.