1 "Helung taumla lu, a mina lung taumla lu," anui Tinggwang rangla.*

2 "Jerusalem de rang sünne beu; nah pegu reutak

cang di delie rang beu, penui maudung gi beudi delei eh,

RAMPAUBE ba gade pe maudung pelane ziemne kena kiee ge ngausilu da."

3 Makwa ge sah gai,

"Renaamkang ga RAMPAUBE ziemne lampui mtei lu;

anui Tinggwang ziemne Arabah ga lampui puidi mzuicing ge teilu."*

4 Langkam leune teu ncuh dizie, nah lamlwa nah kideutu tei nsam dizie;

nah nsam kemak deu dungde tei nsam dizie, nah heni mdui kemakdung mdui dizie;

5 nah RAMPAUBE kendu de liagai dizie, nah mina pelane pie ncüt zie; kedanemene RAMPAUBE mui gade ranggai dida.*

6 Makwa ge sahgai, "Samlia ge sah gailo." Ih keteu, "Ih daipai sam ge sah lai?"

"Mina pumteih au tsehei, nah penui gu samkakkelu samsang au luh gu mapadung nzwa.

7 Tsehei kii dila nah mapa hui dila RAMPAUBE cui cide de müt kegaidau. Kesang mina au cehei bwa ge.✝

8 Cehei ki dila, mapa hui dila, dede anui Tinggwang sam au kelungta sap bamzie."✝

9 Samlia keyi kepungbe, zion lamlwatu kehu ga nghang lu.

Sahbak gailo, Jerusalem. Nang samlia keyi teu kegwangbe, n kwa cehu gai, ngngi diso.

Judah namdidung da ranggai, "Nnui Tinggwang aika bam!"*

10 Pielo, RAMPAUBE Tinggwang ngkieng kelu reugwame ge tei eh gwangla, nah pecu pe ba kengking dene gum beu.

Pielo, pe ziehi au peda la, nah pa keli kelume pedwa ga tetla.✝

11 Pa meurün kekwame ge nzwa pe meurünhau ma pie zie, pa meurünna dungde peba ga hekwa luzie,

nah pe mlung taiga pwa luzie,

nah meurünpui dungde nciep mnuo eh lampui sau beuzie meurünna dungde nepam eh.*

12 Cauge pe ba sum gage dui mdet no, mede peba nzang lwe tinggim mdet no,

mede kideube rebuidung marak gage kai no, mede lamlwadung mdet

mede kideutudung riangteukwak gage mdet no?

13 Cauge RAMPAUBE kecet cino, mede pe keledeume ge nzwa pecu puisau teilu buino?*

14 Pa cau dade keledeu ngau luno? Caune ma petaube tei kera pecu ledeu liano,

nah pecu maci ledeu, mede cilu kebui lampui saulia no?*

15 Pielo, heleuhdung au marak ga dui kezau nage nzwa, nah riangteukwak ga rebui ge nzwalie cetla;

pielo, RAMPAUBE duigwadeu de ma keceunage nzwa mdet.

16 Lebanon tsingbangdung de pwa mi tei kera kiee ma,

mede keru ratak tei kera renaam kaune dungde kiee ma.

17 Heleuhdung pelane pe dwa gade au kiee ma; pa au penuide magede lie cet ma.

18 Ciude nang cau de Tinggwang de keda lai? Nang pecu mamie dai kenzwa le keda lai?

19 Mamie ge! Hegeu ta keteime ne teilu: Kecak ta keteime ne kecak teu cide reu pa pwa keniaklu

nah cide ziemne rangkanggeu le tei kelu riadung teigai beu.

20 Ratak tei kera mige tsing rim di kelakbe kedet la;

pa heciem tei kecime de peilwe mamie kaudi kelak be tei lula.

21 Nang ci meni? Nang siu meni? Ncu kerai gade rang meni?

Kideu be bangdwa gade nang ci lu meni?

22 Pa au mige kideu penli pereu ga ntum kebambe; nah minadung au pedwa gade tangrimdung nzwa.

Pa tinggim de kehezupai nzwa teu nzang pet nah lungh kera ramzeukidung nzwa tei zanggai beu.

23 Tinggwang kedi kengkiengdung de tei ntsam pwa tei nggahzing dila nah kideu kedi kengkieng dungde pwa kemta tei dila.

24 Penuide au ling kwa ma, nrok kwa ma, penui kiak au hangdeu ga pe mah him ncok luma,

pa penui reu ga müt gai kecu dau kii dila nah reigau nzwa tingkai ne gui pungtet dila.

25 "Ciciu cai nang acu cauge de keu keda lai, Ih cau nzwa nau?" Tinggwang kemcibe cinzwa rangzeu.

26 Tingkam ga ngang pie gailo! Caune aipau hegidung de dam gai no?

Pa penui hangge ge de teuswa nah penui pelane de hezi gade qula.

Pe kedi gade nah pe kengkieng gade, kette gah dima!

27 Nang daitei rang no, Jacob, nah ndugai no, Israel,

"RAMPAUBE dade a lampui hebai dida, nah a Tinggwang a nzeu de ma pie ma"?

28 Nang ci meni? Nang siu meni?

Kelunghta Tinggwang, RAMPAUBE, kideube penli dam kegaibe,

madaude leu mede nnei lama; pe macet au pe nli tei lama.

29 Pa leu kelame de kengking peu la; nah kenneime de kengking keheci pwa peula.

30 Henamedung de leu nah nnei di la, nah rehangme ge pepi nrap eh kau dila:

31 Dede RAMPAUBE dade kengha nlum kecume au penui kengking tei heci dai lu zie; penui au heliedung nzwa lim cuh dizie;

penui pak zie nah leu dilak; penui tet zie nah nnei dilak.