माफी छ़ाडणा लै अरज़
1 तिन्नां लै भाल़ केही बर्गत हुई,
ज़सरै पाप बिधाता माफ किऐ अर दोश दूर किऐ।
2 तिन्नां मणछा लै आसा बर्गत ज़हा लै बिधाता पाप करनैओ दोश निं काढअ
अर ज़सरै दिलै किछ़ै कपट निं आथी।
3 ज़ेभै तैणीं मंऐं अह गल्ल निं मनी कि मंऐं आसा पाप किऐ दै,
हुंह हआ त सारी-सारी धैल़ी धकदअ लागअ द अर मेरै गल़ै हाडकै बी।
4 हे बिधाता, तूह दैआ त धैल़-राच मुल्है सज़ा,
मेरै हुऐ तै ज़ोर-ज़ाहण ई इहै खतम
ज़िहै गरमीं करै बाच शुक्का।
5 खिरी मनअ मंऐं ताह सेटा कि मंऐं किऐ पाप,
मंऐं निं ताह सेटा किछ़ै गलती च़ोरी डाही।
मंऐं सोठअ इहअ कि मुंह मनणी ताह सेटा सोभै गलती,
तंऐं किऐ तेखअ मेरै सारै पाप माफ।
6 तैही लागा तेरै सोभी लोगा बगत रहंदी ताह सेटा अरज़ करनी,
ताकि ज़ेभै आफ़तो बडअ दरैअ एछे,
तेभै निं सह तिन्नां सेटा पुजणअ कि तिन्नां घर्होहल़ी सके।
/images/a/b7d72741-6189-4a89-94c2-43952d9f2700)
/images/a/6c03efee-c76a-4ab8-fe2e-555683f90900)