भज़न 51

4 सह आसा सिधअ तूह ई, एक्‍कै तूह ई ज़सरै खलाफ मंऐं पाप किऐ,

ज़ेता तूह बूरअ मना मंऐं किअ सह ई!

मंऐं निं तेरअ हुकम मनअ अर सह आसा मेरी गलती,

मुल्है दोश लाणा लै आसा तूह शुचअ अर मेरअ नसाफ करना लै आसा तूह धर्मीं।

5 मंऐं किअ हुऐ ज़ल्मां ओर्ही पाप,

ज़धू हुंह मेरी माए ओदरै आअ, मुंह दी आसा तधा ई ओर्ही दोश!

6 तूह हआ तेऊ लै खुश ज़ुंण दिला का शुचअ अर मानदार आसा।

तूह पाआ मेरै मन्‍नैं ऐबै आप्पै अक्ल।

7 तूह कर मेरै पाप दूर, तै जाणअ हुंह शुचअ हई,

मुंह धो तूह ज़ुफे डाल़ी करै आप्पै तै हणअ हुंह हिंऊंआं ज़िहअ शेतअ।

8 मुंह लोल़ी भिई खुशी अर नंद हुई,

तंऐं चोल़ै मेरै हाडकै-हाडकै,

ऐबै लोल़ी ती मुंह भिई खुशी हुई।

9 तूह निं ऐबै मेरै पापा भाल़अ लागी,

ज़ुंण मुंह दी खोट आसा, तेता कर तूह मुखा आप्पै दूर।