1 बिधाता लै गांठा एक नऊंईं गिह,

संसारे सोभै लोग बोला तेऊए गिह!✝

2 बिधाता लै बोला गिह अर तेऊए करा ज़ै-ज़ैकार,

तेऊ हेरै हाम्हैं बच़ाऊई, एऊ खुशीए समादा खोज़ा धैल़ सोभी का।

3 होरी देशा का बी खोज़ा ऐहा गल्‍ला कि बिधातो प्रतप्प किहअ आसा अर

इहअ कि तेऊए काम किहै महान आसा।

4 बिधाता आसा इहअ महान कि तेऊए स्तोती लागा करनी ई।

सह आसा परमेशर एक्‍कै अर हाम्हां लागा तेऊए ई डरा हेठै रहणअ।

5 होरी देशे देअ-देबी आसा सिधी मुहुर्ती,

पर सह आसा बिधाता ई ज़ुंणी सारअ भ्रमंड आसा बणाअं द।

6 तेऊ फेर आसा अदर अर प्रतप्प,

तेऊए पबित्र ज़ैगा आसा बल अर शोभा करै भरी।

7 पृथूई दी करा सोभी देशे लोग तेऊए ज़ै-ज़ैकार,

ऐहा गल्‍ला मना सोभै कि बिधाता आसा महान अर सोभी का बलबान।

8 सोभ करा बिधाते ज़ै-ज़ैकार, एता जोगी आसा सह ई।

सोभ एछा भैंट लई तेऊए दुआरै।

9 ज़ेभै सह पबित्र प्रगट होए तेऊ महान अर पबित्र बिधाता सेटा टेक्‍का माथअ,

तेऊए डरै लोल़ी पृथूई दी सोभै झ़ील़ै-काम्बै।