1 Akavai o zapis e Nojesere čhavendar: e Simestar, e Hamestar, hem e Jafetestar, kolenđe palo potop bijandile čhave.

2 E Jafetesere čhavei: o Gomer, o Magog, o Madaj, o Javan, o Tuval, o Mešeh hem o Tiras.

3 E Gomeresere čhavei: o Aškenaz, o Rifat hem o Togarma.

4 E Javanestar iklile: o Eliša, o Taršiš, o Kitijci hem o Rodanci. 5 Olendar pumenđe ko phuvja razdelinde pe o primorska narodija, premalo pumare plemija ano pumare nacije, svako premali pli čhib.

6 E Hamesere čhavei: o Kuš, o Micrajim, o Put hem o Hanaan.

7 E Kušesere čhavei: o Seva, o Havila, o Savta, o Raama hem o Savteha.

E Raamesere čhavei: o Ševa hem o Dedan.

8 E Kušese bijandilo o Nimrod, kova inele prvo baro ratniko ki phuv. 9 Ov inele zoralo lovco anglo GOSPOD. Adalese phenela pe: "Zoralo lovco anglo GOSPOD sar o Nimrod." 10 Lesoro carstvo ano početak ćerena ine: o Vavilon, o Ereh, o Akad hem o Kalne ani phuv Šinar. 11 Tari adaja phuv dželo ani Asirija, kaj izgradinđa i Niniva, o Rehovot Ir, o Kalah 12 hem o Resen i bari diz savi terđola maškari Niniva hem o Kalah.

13 E Micrajimestar iklile o Ludijci, o Anamci, o Lehavci, o Naftuhejci, 14 o Patrusci, o Kasluhejci, kolendar iklile o Filistejci, hem o Kaftorci.

15 E Hanaanese bijandilo o Sidon, lesoro prvo bijando čhavo, hem o Het. 16 E Hanaanestar iklile hem o Jevusejci, o Amorejci, o Girgašanja, 17 o Hivijci, o Arkijci, o Sinijci, 18 o Arvađanja, o Cemarci hem o Hamaćanja.

Palo adava o plemija e Hanaanesere rasejinde pe. 19 I hanaansko phuv inele oto Sidon nakori Gerara, sa đi ki Gaza, pa nakori Sodoma, Gomora, Adma hem Cevoim, sa đi ki Laša.

20 Adalai e Hamesere potomci, palo pumare plemija hem čhibja, palo pumare phuvja hem narodija.

21 A bijandile čhave hem e Simese, e Jafetesere phuredere phralese, kovai pradad zako sa e Everosere potomci.*

22 E Simesere čhavei: o Elam, o Ašur, o Arfaksad, o Lud hem o Aram.

23 A e Aramesere čhavei: o Uc, o Hul, o Geter hem o Maš.

24 E Arfaksadese bijandilo o Sala, a e Salase bijandilo o Ever. 25 E Everese bijandile duj čhave. Jekh vičinđa pe Falek,* adalese so ano lesoro vreme i phuv podelinđa pe, a olesoro phral vičinđa pe Joktan.

26 E Joktanese bijandile o Almodad, o Šelef, o Hacarmavet, o Jerah, 27 o Hadoram, o Uzal, o Dikla, 28 o Oval, o Avimael, o Ševa, 29 o Ofir, o Havila hem o Jovav. Sa akala inele e Joktanesere čhave. 30 Lengere thana, kaj bešena inele oti Meša nakori Sefara, i bregali phuv ko istok.

31 Adalai e Simesere čhave, palo pumare plemija hem čhibja, palo pumare phuvja hem narodija.

32 Adalai o plemija e Nojesere čhavengere palo lengere familije ano lengere narodija. Palo potop, olendar ki phuv širinde pe o narodija.