1 Akavai o zapis e Isavestar, kole inele hem aver anav – Edom:

2 O Isav leljafse romnjen Hanaanken: e Ada e Elonesere e Hetitesere čhaja, e Oholivama e Anakere čhaja, koja inele unuka e Civonesiri e Hivijcosiri, 3 e Bosmata e Ismailosere čhaja, koja inele e Nevajotesiri phen.

4 I Ada e Isavese bijanđa e Elifaze, a i Bosmata bijanđa e Reuele, 5 a i Oholivama bijanđa e Jeuše, e Jaalame hem e Koreje.

Adalai e Isavesere čhave kola bijandile lese ano Hanaan.

6 O Isav lelja ple romnjen, e čhaven, e čhajen hem sa ple čherutnen, ple stoka hem avere životinjen hem sa o barvalipe savo stekninđa ano Hanaan, pa dželo ani jekh phuv dur ple phralestar e Jakovestar. 7 Adalese so, lengoro barvalipe edobor inele baro da našti ine te živinen zajedno – i phuv ani savi inele našti ine te izdržini sodujen zbog olengiri stoka. 8 Ađahar o Isav – o Edom, lelja te živini ano bregalo krajo Seir.

9 Akalai o potomci e Isavesere, o pradad e Edomconengoro, ano bregalo krajo Seir.

10 Akalai o anava e Isavesere čhavengoro: Elifaz, o čhavo e Isavesere romnjakoro e Adakoro, hem Reuel, o čhavo e Isavesere romnjakoro e Bosmatakoro.

11 E Elifazesere čhavei: o Teman, o Omar, o Cefo, o Gaatam hem o Kenaz.

12 I Timna, koja inele romni ropkinja e Elifazesiri, e Isavesere čhavesiri, e Elifazese bijanđa e Amaleke. Adalai o potomci e Isavesere romnjakere e Adakere.

13 E Reuelesere čhavei: o Nahat, o Zara, o Šama hem o Miza.

Adalai o potomci e Isavesere romnjakere e Bosmatakere.

14 I Oholivama, e Anakiri čhaj hem e Civonesiri unuka, e Isavese bijanđa akale čhaven: e Jeuše, e Jaalame hem e Koreje.

15 Akalai o vođe oto plemija kola iklile e Isavestar:

o čhave e Elifazesere, e Isavesere prvonebijande čhavesere: o Teman, o Omar, o Cefo hem o Kenaz, 16 o Korej, o Gaatam hem o Amalek. Adalai o vođe oto plemija kola iklile e Elifazestar ano Edom.

Adalai e Adakere potomci.

17 O čhave e Reuelesere, e Isavesere čhavesere: o Nahat, o Zara, o Šama hem o Miza. Adalai o vođe oto plemija kola iklile e Reuelestar ano Edom.

Adalai o potomci e Isavesere romnjakere e Bosmatakere.

18 O čhave e Isavesere romnjakere e Oholivamakere: o Jeuš, o Jaalam hem o Korej. Adalai o vođe oto plemija kola iklile e Isavesere romnjatar e Oholivamatar, e Anakere čhajatar.

19 Adalai e Isavesere – e Edomesere – čhave hem adalai lengere plemija.

20 Akalai o čhave e Seiresere e Horijcesere, kola živinde ano Edom: o Lotan, o Šoval, o Civon, o Ana, 21 o Dišon, o Ecer hem o Dišan. Adalai o vođe oto plemija e Horijcengere, kolai potomci e Seiresere ano Edom.

22 Akalai o čhave e Lotanesere: o Hori hem o Heman. I Timna inele e Lotanesiri phen.

23 Akalai e Šovalesere čhave: o Alvan, o Manahat, o Eval, o Šefo hem o Onam.

24 Akalai e Civonesere čhave: o Aja hem o Ana. O Anai adava kova ani pustinja arakhlja tate izvorija sar arakhela ine ple dadesere e Civonesere hernen.

25 Akalai e Anasere čhave: o čhavo Dišon hem i čhaj Oholivama.

26 Akalai e Dišonesere čhave: o Hemdan, o Ešban, o Jitran hem o Keran.

27 Akalai e Eceresere čhave: o Bilhan, o Zaavan hem o Akan.

28 Akalai e Dišanesere čhave: o Uc hem o Aran.

29,30 Akalai o vođe e Horijcengere palo lengere plemija ani phuv Seir: o Lotan, o Šoval, o Civon, o Ana, o Dišon, o Ecer hem o Dišan.

31 Akalai o carija kola vladinde ano Edom angleder nego so vladinđa o caro e Izraelconengoro:

32 o Bela o čhavo e Beoresoro ulo caro ano Edom. Lesiri diz vičinđa pe Dinhava.

33 Kad mulo o Bela, olese ko than sar caro alo o Jovav o čhavo e Zaresoro tari Bocra.

34 Kad mulo o Jovav, olese ko than sar caro alo o Hušam tari phuv e Temancengiri.

35 Kad mulo o Hušam, olese ko than sar caro alo o Hadad o čhavo e Bedadesoro, kova pobedinđa e Midijanconen ani phuv e Moavconengiri. Lesiri diz vičinđa pe Avit.

36 Kad mulo o Hadad, olese ko than sar caro alo o Samla tari Masreka.

37 Kad mulo o Samla, olese ko than sar caro alo o Saul tari Rehovot uzali len.

38 Kad mulo o Saul, olese ko than sar caro alo o Vaal Hanan o čhavo e Ahboresoro.

39 Kad mulo o Vaal Hanan o čhavo e Ahboresoro, olese ko than sar caro alo o Hadad. Lesiri diz vičinđa pe Pau. Lesiri romni vičinđa pe Mehetavel i čhaj e Matredesiri hem unuka e Me Zahavesiri.

40 Akalai o anava e vođengoro kola iklile e Isavestar, palo lengere plemija hem o thana:

o Timna, o Alva, o Jetet, 41 o Oholivama, o Ela, o Pinon, 42 o Kenaz, o Teman, o Mivcar, 43 o Magdiel hem o Iram. Adalai o plemija e Edomesere – Isavesere – kovai pradad e Edomconengoro, palo lengere thana ani phuv savi osvojinde.