10 Tegani jekh olendar phenđa: "Đi berše ano akava vreme ka irinav man tute, hem te romnja e Sara ka ovel čhavo."
A i Sara šunela ine sa adava ko ulaz oto šatori savo inele palo leste. 11 Hem o Avraam hem i Sara već inele but purane, hem nakhino e Sarakoro vreme te oven la čhave.
12 Adalese i Sara asandili ana peste hem phenđa: "Zar akana, kad injum purani, te doživinav adava zadovoljstvo? A hem mloi rom purano."
13 Tegani o GOSPOD pučlja e Avraame: "Sose ti romni i Sara asandili hem phenđa: ‘Zar akana ka bijanav čhave kad injum purani?’ 14 Zar e GOSPODESE nešto pharo? Ka irinav man tute đi berše ano akava vreme, hem e Sara ka ovel čhavo."