O poreklo oto Moavci hem Amonci
30 O Lot hem lesere duj čhaja džele oto Coar hem lelje te živinen ano planine adalese so darandilo te ačhol ano Coar. Ov hem lesere duj čhaja živinde ani pećina.
31 I phureder čhaj phenđa e tiknederaće: "Amaroi dad purano, a nane nijekh murš ki akaja phuv kova ka sovel amencar te oven amen čhave, sar soi o adeti ko celo sveto. 32 Ana te maćara amare dade moljaja hem te sova oleja, te šaj nastavini pe amare dadesoro potomstvo."
33 Ađahar adaja rat maćarde pumare dade moljaja, pa i phureder čhaj dželi andre hem suća oleja. A ov na džanđa ni kad pašlili ni kad uštini.
34 Tejsa dive i phureder phenđa e tiknederaće: "Erati me sućum me dadeja. Ana erat palem te maćara le moljaja, pa tu dža hem sov oleja, te šaj nastavini pe amare dadesoro potomstvo."
35 Ađahar hem adaja rat maćarde pumare dade moljaja, pa i tikneder čhaj dželi hem suća oleja. A ov na džanđa ni kad pašlili ni kad uštini.
36 Ađahar soduj čhaja ačhile khamnja pumare dadestar. 37 I phureder čhaj bijanđa čhave hem dinđa le anav Moav.19,37 Moav so značini: "mle dadestar". Ovi o pradad oto avdisutne Moavci. 38 I tikneder čhaj bijanđa čhave hem dinđa le anav Ben Ami.19,38 Ben Ami so značini: "čhavo mle narodosoro". Ovi o pradad oto avdisutne Amonci.