2 o Avraam zaki pli romni i Sara phenđa dai lesiri phen. Adalese o Avimeleh, o caro oto Gerar, bičhalđa ple slugen pali Sara hem lelja la kora peste.
9 Tegani o Avimeleh vičinđa e Avraame, pa pučlja le: "So ćerđan amenđe adava? So ćerđum će bišukar pa te čhive esavko baro greh upra mande hem upro mlo carstvo? Ćerđan maje okova so niko nikase ne bi ćerela."
10 Hem o Avimeleh pučlja e Avraame: "Savoi o razlog so ćerđan adava?"
11 A o Avraam phenđa: "Mislinđum: ‘Sigurno ko akava than na darana e Devlestar, pa ka mudaren man zbog mli romni.’ 12 A sem adalestar, oj čače mli phen, čhaj mle dadesiri, ali na hem mla dajakiri, pa leljum la romnjaće. 13 A kad o Devel ćerđa te ikljovav taro čher mle dadesoro, me phenđum laće: ‘Ađahar ka mothove maje to mangipe: kaj god te dža, ka phene da injum to phral.’ "