20 E Isaake ine saranda berš kad ženinđa pe e Revekaja. I Reveka inele čhaj e Aramejcosiri e Beteulesiri kovai taro Padan Aram, a phen e Aramejcosiri e Lavanesiri.
21 O Isaak molinđa pe e GOSPODESE zaki pli romni, adalese so inele nerotkinja. O GOSPOD uslišinđa lesiri molitva hem lesiri romni i Reveka ačhili khamni.
22 Ali o čhave ano lakoro vođi edobor gurinde pe da oj phenđa: "So desini pe akava mancar?"
Adalese dželi te pučel e GOSPODE.
23 O GOSPOD phenđa laće:
"Duj narodijai ano to vođi,
duj narodija ka podelinen pe taro to vođi.
Jekh ka ovel po zoralo e dujtonestar
hem o phureder ka služini e tiknederese."
26 Palo adava iklilo lesoro phral, ićerindoj vasteja i patum e Isavesiri. Adalese dinde le anav Jakov.25,26 Jakov ko jevrejski značini: "okova kova ićeri pe ki patum" ili "prevaranti". E Isaake ine šovardeš berš kad i Reveka bijanđa.
O Isav biknela plo prvorodstvo
27 Kad o čhavore barile, o Isav ulo šukar lovco hem volinđa te ovel avri ko phravdo than, a o Jakov inele povucime manuš hem volinđa te ovel čhere, ano šatori. 28 O Isaak volinđa više e Isave, adalese so volinđa te hal o mas oto divlja životinje saven o Isav mudarđa. A i Reveka više volinđa e Jakove.