1. Lil e Mojsijasoro 27

41 O Isav zamrzinđa e Jakove zbog o blagoslov saveja blagoslovinđa le lesoro dad, pa ana peste mislinđa: "Mlo dad pana hari ka merel. Tegani ka mudarav mle phrale."

42 Kad phende e Revekaće so lakoro phureder čhavo o Isav mangela te ćerel, oj bičhalđa te vičinen lakere tiknedere čhave e Jakove hem phenđa lese: "To phral o Isav mangela te osvetini pe hem te mudari tut! 43 Adalese šun man akana, mlo čhavo: naš ki sig koro mlo phral o Lavan ano Haran. 44 Ačhov koro leste nekobor dive, đikote te phralestar na nakhela i holi. 45 Kad ka nakhel lestar i holi hem kad ka bistrel so ćerđan lese, me ka javinav će te irine tut. Sose sodujen tumen te našalav ano jekh dive?"