6 i Reveka phenđa pe čhavese e Jakovese: "Ače, samo so šunđum te dade sar vaćeri te phralese e Isavese:
13 A lesiri daj phenđa lese: "Mlo čhavo, nek to prokletstvo perel upra mande. Samo šun tu man: dža hem ana maje e jarconen."
15 Tegani i Reveka lelja o najšuže šeja ple phuredere čhavesere e Isavesere save inola ano čher, pa urjavđa ple tiknedere čhave e Jakove, 16 a ko vasta hem ki men čhivđa lese i koža e jarcosiri.
27 I o Jakov alo po paše hem čumudinđa le, a o Isaak osetinđa o miris oto lesere šeja, pa blagoslovinđa le, vaćerindoj:
"O miris mle čhavesoroi sar o miris oto polje
savo o GOSPOD blagoslovinđa.
41 O Isav zamrzinđa e Jakove zbog o blagoslov saveja blagoslovinđa le lesoro dad, pa ana peste mislinđa: "Mlo dad pana hari ka merel. Tegani ka mudarav mle phrale."
43 Adalese šun man akana, mlo čhavo: naš ki sig koro mlo phral o Lavan ano Haran. 45 Kad ka nakhel lestar i holi hem kad ka bistrel so ćerđan lese, me ka javinav će te irine tut. Sose sodujen tumen te našalav ano jekh dive?"