1. Lil e Mojsijasoro 3

17 A e Adamese phenđa:

"Adalese so šunđan te romnja

hem haljan oto kaš zako savo naredinđum će: ‘Ma te ha olestar!’, ače:

I phuv nek ovel prokleto zbog tute.

Mukaja ka ha olatar

sa o dive te dživdipnasere.

18 Oj ka bijani će kare hem korov,

a tu ka ha o biljke oto polje.

19 Ano znoj te mujesoro maro ka ha,

sa đikote na irineja tut ani phuv,

adalese so oti phuv injan ćerdo

– prah injan hem ano prah ka irine tut. "