1 Purihin ninyo ang Panginoon. Purihin ninyo, Oh ninyong mga lingkod ng Panginoon,

Purihin ninyo ang pangalan ng Panginoon.

2 *Awit 115:18.Purihin ang pangalan ng Panginoon

Mula sa panahong ito at magpakailan man.

3 *Awit 50:1;Mal. 1:11.Mula sa pagsikat ng araw hanggang sa paglubog niyaon

Ang pangalan ng Panginoon ay pupurihin,

4 Ang Panginoon ay *Awit 99:2.mataas na higit sa lahat ng mga bansa,

At ang kaniyang kaluwalhatian ay *Awit 108:4.sa itaas ng mga langit.

5 *Awit 80:6.Sino ang gaya ng Panginoon nating Dios,

Na may kaniyang upuan sa itaas,

6 *Is. 57:15.Na nagpapakababang tumitingin

Ng mga bagay na nangasa sa langit at sa lupa?

7 *1 Sam. 2:8.Kaniyang ibinabangon ang dukha mula sa alabok,

At itinataas ang mapagkailangan mula sa dumi;

8 Upang maupo siya na kasama ng mga pangulo,

Sa makatuwid baga’y ng mga pangulo ng kaniyang bayan.

9 *1 Sam. 2:5;Is. 54:1.Kaniyang pinapagiingat ng bahay ang baog na babae,

At maging masayang ina ng mga anak.

Purihin ninyo ang Panginoon.