MGA AWIT 53

Sa Pangulong Manunugtog; itinugma sa Mahalath. Masquil ni David.

1 *Hanggang tal.6;Awit 14:1-7.Ang mangmang ay nagsabi sa puso niya, Walang Dios.

Nangapahamak sila, at nagsigawa ng kasuklamsuklam na kasamaan;

*Rom. 3:10,12.Walang gumawa ng mabuti.

2 Tinunghan ng Dios ang mga anak ng mga tao mula sa langit,

Upang tignan kung may sinomang nakakaunawa,

Na humanap sa Dios.

3 Bawa’t isa sa kanila ay *Awit 35:4.tumalikod: sila’y magkakasamang naging mahahalay;

Walang gumawa ng mabuti, wala, wala kahit isa.

4 Wala bang kaalaman ang mga manggagawa ng kasamaan?

*Awit 27:13.Na siyang kumakain ng aking bayan na tila kumakain ng tinapay,

At hindi nagsisitawag sa Dios.

5 Doo’y nangapasa malaking katakutan sila *Lev. 26:17.na hindi kinaroroonan ng takot:

Sapagka’t *Ezek. 6:5.pinangalat ng Dios ang mga *Awit 141:7.buto niya na humahantong laban sa iyo;

Iyong inilagay sila sa kahihiyan, sapagka’t itinakuwil sila ng Dios.

6 Oh kung ang kaligtasan ng Israel ay lumabas sa Sion.

*Awit 126:1,2.Pagka ibabalik ng Dios ang nangabihag ng kaniyang bayan,

Magagalak nga ang Jacob at matutuwa ang Israel.