MGA AWIT 2

Ang paghahari ng pinahiran ng Panginoon.

1 Bakit ang mga bansa ay *Gawa 4:25,26.nangagugulo,

At ang mga bayan ay nangagaakala ng walang kabuluhang bagay?

2 Ang mga hari sa lupa ay nagsisihanda,

At ang mga pinuno ay nagsasanggunian,

Laban sa Panginoon at laban sa *Awit 45:7;Juan 1:41.kaniyang pinahiran ng langis, na sinasabi:

3 *Jer. 5:5.Lagutin natin ang kanilang tali,

At ating iwaksi ang kanilang mga panali sa atin.

4 Siyang nauupo sa kalangitan ay *Awit 37:13.tatawa:

Ilalagay sila ng Panginoon sa kakutyaan.

5 Kung magkagayo’y magsasalita siya sa kanila sa kaniyang poot,

At babagabagin sila sa kaniyang malabis na sama ng loob:

6 Gayon ma’y inilagay ko ang aking hari

Sa aking banal na bundok ng Sion.

7 Aking sasaysayin ang tungkol sa pasiya:

Sinabi ng Panginoon sa akin, *Mat. 3:17;Gawa 13:33;Heb. 1:5.Ikaw ay aking anak;

Sa araw na ito ay ipinanganak kita.

8 Humingi ka sa akin, at ibibigay ko *Awit 72:8.sa iyo ang mga bansa na iyong pinakamana,

At ang mga pinakadulong bahagi ng lupa ay iyong pinakaari.

9 *Apoc. 2:27.Sila’y iyong babaliin ng isang pamalong bakal;

Iyong dudurugin sila na parang *Is. 30:14;Jer. 19:11.isang sisidlan ng magpapalyok.

10 Ngayon nga’y magpakapantas kayo, Oh kayong mga hari:

Mangatuto kayo, kayong mga hukom sa lupa.

11 *Heb. 12:28.Kayo’y mangaglingkod sa Panginoon na may takot,

At mangagalak na *Fil. 2:12.may panginginig.

12 Hagkan ninyo ang anak, baka magalit siya, at kayo’y mangapahamak sa daan,

Sapagka’t ang kaniyang poot ay madaling magalab.

*Awit 7:1.Mapapalad ang nanganganlong sa kaniya.