1 Purihin ninyo ang Panginoon.

Purihin ninyo ang pangalan ng Panginoon;

*Awit 134:1.Purihin ninyo siya, Oh ninyong mga lingkod ng Panginoon:

2 Ninyong nagsisitayo sa bahay ng Panginoon.

Sa *Awit 92:13;116:19.mga looban ng bahay ng ating Dios.

3 Purihin ninyo ang Panginoon; sapagka’t ang Panginoon ay mabuti:

Magsiawit kayo ng mga pagpuri sa kaniyang pangalan; *Awit 147:1.sapagka’t maligaya.

4 Sapagka’t pinili ng *Deut. 7:6,7;10:15.Panginoon para sa kaniya si Jacob,

At ang Israel na kaniyang pinakatanging *Ex. 19:5.kayamanan.

5 Sapagka’t nalalaman ko *Awit 95:3.na ang Panginoon ay dakila,

At ang ating Panginoon ay higit sa lahat na dios.

6 Anomang kinalugdan ng Panginoon, ay kaniyang ginawa,

Sa langit at sa lupa, sa mga dagat, at sa lahat ng mga kalaliman.

7 Kaniyang pinailanglang ang mga singaw na mula sa mga wakas ng lupa;

Kaniyang ginagawa ang mga kidlat na ukol sa ulan;

Kaniyang inilalabas ang hangin *Job 38:22.mula sa kaniyang mga ingatang-yaman.

8 Na siyang sumakit sa mga panganay sa Egipto,

Sa tao at gayon din sa hayop.

9 *Ex. 7:10-14.Siya’y nagsugo ng mga tanda at mga kababalaghan sa gitna mo, Oh Egipto,

Kay Faraon, at sa lahat niyang mga lingkod.

10 *Awit 136:17-22.Na siyang sumakit sa maraming bansa,

At pumatay sa mga makapangyarihang hari;

11 Kay *Blg. 21:21-26,33-35.Sehon na hari ng mga Amorrheo,

At kay Og na hari sa Basan,

At *Job 12:7-24.sa lahat ng mga kaharian ng Canaan:

12 At ibinigay ang kanilang lupain na pinakamana,

Isang pinakamana sa Israel sa kaniyang bayan.

13 Ang iyong pangalan, *Awit 102:12.Oh Panginoon, ay magpakailan man;

Ang alaala sa iyo, Oh Panginoon, ay sa lahat ng sali’t saling lahi.

14 Sapagka’t hahatulan ng Panginoon ang kaniyang bayan,

At *Awit 90:13.magsisisi tungkol sa kaniyang mga lingkod.

15 *Hanggang tal.18;Awit 115:4-8.Ang mga diosdiosan ng mga bansa ay pilak at ginto,

Na gawa ng mga kamay ng mga tao.

16 Sila’y may mga bibig, nguni’t hindi sila nangagsasalita;

Mga mata ay mayroon sila, ngunit hindi sila nangakakakita;

17 Sila’y may mga tainga, nguni’t hindi sila nangakakarinig;

At wala mang anomang hinga sa kanilang mga bibig.

18 Silang nagsisigawa sa kanila ay magiging gaya nila;

Oo, bawa’t tumitiwala sa kanila.

19 *Awit 115:9,10,12;118:2,3.Oh sangbahayan ni Israel, purihin ninyo ang Panginoon:

Oh sangbahayan ni Aaron, purihin ninyo ang Panginoon:

20 Oh sangbahayan ni Levi, purihin ninyo ang Panginoon:

Ninyong nangatatakot sa Panginoon, purihin ninyo ang Panginoon.

21 Purihin ang Panginoon mula sa Sion,

*Awit 132:13.Na siyang tumatahan sa Jerusalem.

Purihin ninyo ang Panginoon.