1 Purihin ninyo ang Panginoon; Sapagka’t *Awit 92:1.mabuting umawit ng mga pagpuri sa ating Dios;

*Awit 135:3.Sapagka’t maligaya, at ang pagpuri *Awit 33:1.ay nakalulugod.

2 *Awit 102:16.Itinatayo ng Panginoon ang Jerusalem;

Kaniyang pinipisan ang mga *Deut. 30:3;Ezek. 39:28.natapon na Israel.

3 *Awit 51:17.Kaniyang pinagagaling ang mga may bagbag na puso,

At tinatalian niya ang kanilang mga sugat.

4 *Gen. 15:5;Is. 40:26.Kaniyang sinasaysay ang bilang ng mga bituin;

Siya ang nagbibigay sa kanila ng lahat nilang pangalan.

5 Dakila ang ating Panginoon, at makapangyarihan sa kapangyarihan;

Ang kaniyang unawa ay walang hanggan,

6 *Awit 146:8,9.Inaalalayan ng Panginoon ang maamo:

Kaniyang inilulugmok sa lupa ang masama.

7 Magsiawit kayo sa Panginoon ng pagpapasalamat;

Magsiawit kayo sa alpa ng mga pagpuri sa ating Dios:

8 *Job 38:26,28;Awit 104:14.Na nagtatakip sa mga langit ng mga alapaap.

Na siyang naghahanda ng ulan sa lupa,

na nagpapatubo ng damo sa mga bundok.

9 *Job 39:3;Awit 104:27;Mat. 6:26.Siya’y nagbibigay sa hayop ng kaniyang pagkain.

At sa mga inakay na uwak na nagsisidaing.

10 *Awit 33:17;Os. 1:7.Siya’y hindi nalulugod sa lakas ng kabayo:

Siya’y hindi nasasayahan sa mga paa ng tao.

11 Ang Panginoon ay naliligaya sa kanila na nangatatakot sa kaniya,

Sa nagsisiasa sa kaniyang kagandahang-loob.

12 Purihin mo ang Panginoon, Oh Jerusalem;

Purihin mo ang iyong Dios, Oh Sion.

13 Sapagka’t kaniyang pinatibay ang mga halang ng iyong mga pintuang-bayan;

Kaniyang pinagpala ang iyong mga anak sa loob mo.

14 *Is. 60:17,18.Siya’y gumagawa ng kapayapaan sa iyong mga hangganan;

*Awit 132:15.Kaniyang binubusog ka ng pinakamainam na trigo.

15 Kaniyang sinusugo ang kaniyang utos sa lupa;

Ang kaniyang salita ay tumatakbong maliksi.

16 *Job 37:6.Siya’y nagbibigay ng nieve na parang balahibo ng tupa;

Siya’y nagkakalat ng eskarcha na parang abo.

17 Kaniyang inihahagis na parang putol na maliit ang kaniyang hielo:

Sinong makatatagal sa harap ng lamig niyaon?

18 *Job 37:10.Kaniyang pinahahatdan ng salita, at tinutunaw:

Kaniyang pinahihihip ang kaniyang hangin, at ang tubig ay pinaagos.

19 *Deut. 33:2.Kaniyang ipinabatid ang kaniyang salita sa Jacob,

*Mat. 3:4.Ang kaniyang mga palatuntunan at mga kahatulan sa Israel.

20 *Deut. 4:32,33,34.Siya’y hindi gumawa ng gayon sa alin mang bansa:

At tungkol sa kaniyang mga kahatulan, hindi nila nalaman.

Purihin ninyo ang Panginoon.