Salmos 127

Yon chan pou monte vè tanp lan. Yon chan Salomon.

1 Amwenske se SENYÈ a ki bati kay la,

sila ki bati li yo, travay anven.

Amwenske SENYÈ a ✝127:1 Sòm 121:4veye pòtay la,

gadyen an rete zye louvri anven.

2 Se an ven pou ou leve bonè e ale dòmi ta,

pou ✝127:2 Jen 3:17manje pen a travay di yo,

paske se domi Li bay a moun li renmen.

3 Veye byen, pitit se yon don SENYÈ a.

✝ 127:3 Det 7:13 Fwi a vant la se yon rekonpans.

4 Tankou flèch nan men a yon ✝127:4 Sòm 112:2gèrye,

Se konsa pitit a jèn yo ye.

5 A la ✝127:5 Sòm 128:2-3beni se nonm ke veso l plen ak yo.

Yo p ap wont lè yo pale ak lènmi yo nan pòtay la.