Sòm Yo 95

1 O vini, annou chante a SENYÈ a!

Annou rele fò avèk jwa a wòch ki sove nou an;

2 Annou vini devan prezans Li avèk remèsiman,

Annou rele fò a Li menm avèk sòm.

3 Paske SENYÈ a se yon ✝95:3 Sòm 48:1 gran Bondye, e

yon gran wa pi wo ke tout dye yo.

4 Nan men Sila ✝95:4 Sòm 135:6 pwofondè latè yo ye a.

Pwent mòn yo osi se pou Li.

5 Lanmè a se pou Li, paske se te Li menm ✝95:5 Jen 1:9-10 ki te fè l.

Ak men L, Li te fòme tè sèch la.

6 Vini, annou fè adorasyon, e annou pwostène.

Annou mete ajenou devan SENYÈ ✝95:6 Sòm 100:3 ki te fè nou an.