भज़न 18

बिधातो शूकर करना लै राज़ै दाबेदै बोली दी गिह

1 हे बिधाता, हुंह झ़ूरा ताल्है

अर मेरअ बल आसा तूह ई।

2 तूह परमेशर बिधाता आसा मुल्है बडी टोल्हा अर मुंह फेर उछ़टै गहल़ा ज़िहअ

ज़ेथ पिछ़ू शरण लई हुंह बच़ी रहा।

तूह बच़ाऊआ मुंह ढाल़ा ज़िहअ,

मेरी फाज़त करा तूह ई

अर तूह डाहा मुंह राज्ज़ी-राम्बल़ै बच़ाऊई।

3 मुंह करनी ताह बिधाता सेटा अरज़,

तंऐं बच़ाऊअ हुंह मेरै दुशमणा का,

ज़ै-ज़ैकार करनै जोगी आसा तूह ई।