O prvo greh
1 A o sap inele po lukavo oto sa divlja životinje saven o GOSPOD o Devel ćerđa.
Ov pučlja e đuvlja: "Čače li o Devel phenđa tumenđe: ‘Na troman te han oto nijekh kaš ano vrt?’ "
2 I đuvli phenđa e sapese: "O plodija oto kašta ano vrt amen tromaja te ha, 3 sem o plod oto kaš savoi ano maškar e vrtesoro, zako savo o Devel phenđa: ‘Ma te han olestar ni ma te pipinen le, te na meren!’ "
4 Tegani o sap phenđa e đuvljaće: "Na, sigurno naka meren. 5 Nego, džanel o Devel: kad ka han olestar, ka phravđon tumare jaćha hem ka oven sar o Devel – ka džanen soi šukar, a soi bišukar."