16 A e đuvljaće phenđa:
"Ka barjarav te muke e bijandipnasere;
ano muke ka bijane čhaven.
Ka ovel tut želja te romese,
a ov ka vladini upra tute."
17 A e Adamese phenđa:
"Adalese so šunđan te romnja
hem haljan oto kaš zako savo naredinđum će: ‘Ma te ha olestar!’, ače:
I phuv nek ovel prokleto zbog tute.
Mukaja ka ha olatar
sa o dive te dživdipnasere.
18 Oj ka bijani će kare hem korov,
a tu ka ha o biljke oto polje.
19 Ano znoj te mujesoro maro ka ha,
sa đikote na irineja tut ani phuv,
adalese so oti phuv injan ćerdo
– prah injan hem ano prah ka irine tut. "