Gênesis 45

5 Ali ma oven uznemirime hem ma krivinen tumen so bikninđen man akate, adalese so o Devel bičhalđa man angla tumende te sačuvinen pe o dživdipa e manušengere. 6 Već duj berš o bokhalipe vladini ani phuv, a pana pandž berš naka ovel ni haniba ni žetva. 7 O Devel bičhalđa man angla tumende, te šaj prekalo baro izbavljenje te spasinav tumare dživdipa hem te ovel tumen potomstvo ki phuv. 8 Adalese, na bičhalđen man tumen akate, nego o Devel. Ov čhivđa man te ovav e faraonesoro najbaro službeniko, te ovav gospodari upro celo čher e faraonesoro hem vladari upro celo Egipat.