20 A o Noje inele zemljoradniko hem prvo manuš kova sadinđa vinograd. 21 Jekh dive pilja mol hem matilo, pa nango pašlilo pese ano šatori. 22 O Ham, o dad e Hanaanesoro, dikhlja pe dade nange i adava phenđa ple duje phraljenđe kola inele avrijal. 23 Tegani o Sim hem o Jafet lelje o ogrtači, čhivde le pese ko piče, hem phirindoj napalal učharde ple nange dade. Mujeja inele irime ki aver strana, ađahar da na dikhle pumare dade nange.
24 Kad o Noje otrezninđa pe oti mol, dodžanđa so ćerđa lese olesoro najtikneder čhavo. 25 Tegani o Noje phenđa:
"Prokleto te ovel o Hanaan,
te ovel naj teluno robo ple phraljenđe!"