1 भविष्यबक्ता यशायाह बोलोआ, "परमेशर यहोवे रा आत्मा मां पाँदे ए, कऊँकि यहोवे शुभ सन्देश सुनाणे खे मेरा अभिषेक कित्तेया ओर आऊँ इजी खे पेजी राखेया ताकि दु:खी मनो रे लोका खे शान्ति देऊँ ओर गुलामा खे आजादिया रा ओर कैदिया खे छुटकारे रा प्रचार करुँ।* 2 ताकि यहोवे रे खुश रणे रे सालो रा ओर म्हारे परमेशरो रे बदला लणे रे दिनो रा प्रचार करुँ; ताकि सब दु:ख करने वाल़ेया खे शान्ति देऊँ।* 3 ओर सिय्योनो रे दु:ख करने वाल़े लोका रे सिरो पाँदली दु:खो री स्वा दूर करी की सुन्दर पगड़ी बानूँ, ताकि तिना रा दु:ख दूर करी की खुशिया रा तेल लगाऊँ ओर तिना री उदासी दूर करी की यशो रा टखण टखाऊँ; जेते कि तिना खे तर्मो रे बाँजो रे डाल़ ओर यहोवे रे लगाए रे बोलेया जाओ ओर जेते कि तिना रा आदर प्रगट ओ।"*