Issayaasikaa Raaga 18

Mageni Tophphaake Haaso’eeka Hiyyichcho

1 Tophiyiinke galaanuwwi qarqara hexxeexxe

phirr phirri hiyaake keeluwwik luulji ise giddo laqemaake ookkone bogi’a aanee!✝18:1Sof. 2:12.

2 Iikki boginna erganjuwwa ifika abbaayyate’n

galaanuwwi wido qooccetixxe hobolonni ergitaaxxen.

3 Ha’no butta duuchchik arduwwi

buttate’n hexxineek duuchchi

Koobuwwate’n beesis fannisemaa wodda uuddinaan;

malagati ufuufemaa woddanna laqqinaan.

4 Duuchchi Woddiki Gootti anee hiyyee qici,

«Ani bucuqqi hiyyebe’nok ofo’lannon;

Galduma ankenaa’n holata arishsho giddo cala cala hiyyammake eebbinjo’inna

duumanchiinke woja kadee uudannon» hiyye.

5 Midha bukki asseccatixxe maye edi darre daraariinxi yanna saxxaa wodda

iikki daraarinna raxxeexxe woyyinetixxe gumma kadaa wodda

Woyyinetixxe daalixxa kichcho quqqumamak quqqumaan;

barqaaqqemmaxxa damuwwanna kukkuteexxi fuggusaan.

6 Duuchchiing koobuwwate’n hexxaaxxe bultittaammaxxe ci’a’a

badda’atike biniinchi’anna sa’isssende’e uwwendaan;

Tinni ci’anna bono duuchcha konnelchuwwa ittaashsha assendaan;

baddatike biniinchinna haarso duuchcha ita’nee hedhaan.

7 Eettene yanna Dada Duuchcha Ajajaake Duuchchi Woddiki Gootti’a

Qeeraarammannaa isik bisik gogi shaqqake kadeeke

shiqii’ninna bayyii’ninna sodaatemmake ookkone aridinaa’n,

Ookkone jajjabbakennaa laagadi isik aagabaake,

ookkone bogi isikinna galaanuwwi qoqqoodemeexxe mootummanaa’n,

Uwwa konne manni’a daggaan; tinni uwwanna dagaabi Dada Duuchcha Ajajak Duuchchi Woddik Goottik summi hedheeba’a eettene Tsiyoonixxe Koobaba’aten.