1 Isexxi qullumma soodimariinke ifishsha wa'a hitaa qico'n

anjirensh isexxi xabaake xassishsha leellaa qico'ni

Ani Tsiyoonixxee sammi hiyyabo'non;

Iyyerusaalemixxeenna ca'li hiyyabo'non.

2 Gosa gosaxxi mootummuwwa qullumma atixxa

moyanjuwwikinna ulfinna atika uudaan;

Duuchchi Woddiki Goottik afo'i ati'a fulchaake

haarooke summinni ye'endatton.

3 Duuchchi Woddike Goottixxe anga'n ulfinnika kallachcha,

atike Magenixxe anga'ninna mootummatike kallachcha kaddatton.

4 Ta'anni elqi'a «Atee waalendettexxe» hiyyende ye'endaboxxon;

bogi atikinna «Urmake» hiyyemabaan;

Ati ye'endattok haarok summi,

«Duuchchi Eoddik Gootti ise'ni gammadaan!» hiyyaaken;

bogi atikinna «Aro'o affeexxen» hiyyeme ye'emaan;

Duuchchi Woddik Goottinna ate'ni gammadaan;

bogi atikinna aro'o affeexxe manjichchoshsha kadaan.

5 Qee'lichchi dubarrichcho adhaammashsha

oose atixxinna iittanni atee dadeek Mageninna ati'a aro'oke kadaan;

Waajubichchi waajubichchote'n gammadammashsha

Mageni atik ate'ninna gammadaan.

6 Tee Iyyerusaalemi! Atika heqqalluwwa atike dalla'uwwi hana urrise'ennen;

insa'ne hashshannaa barra haranga samminabaan;

Ha'no Duuchchi Woddike Goottibaa maganne maganne hitinaak

haranga mee hafuura adhdhe.

7 Iyyerusaalemii ijaarre

buttatike galata assaa qico'ni isi hafuura adhdhaashsha assitinoqqe'e.

8 Duuchchi Woddiki Gootti ifixxe hunna'ninna mootuma'n hiyye kakatee qici;

«Ta'anni edi'a midha atixxa naaphi itaashsha assabo'non;

atika reefika woyinetika bulbulonna alagi ha'waashsha assabo'non.

9 Yaane kinni doonete'n aasse'neexxa midha insa'nenni indeexxi

ane'e Duuchchi Woddika Gootta galateeffantaan

Bukki asse'neexxe woyinetixxe roddeka woyinetika bulubulo umo insa'nengenninni

woyyichcha anke galmixxe baxxe'n ha'winaan.

10 Dalla'inxe hula darre'ni sa'we

ardake'e ora qophpheesse ba'laka ora giisse

Kinjuwwa hoyye

baandira gosa gosake ardi'a iimi'a abidde.

11 Duuchchi Woddiki Gootti gosa gosake arduwwa'ni hiyye lallaba'nee qici:

Tsiyoonika arda ‹Ha'no'o anjiraak dagaan isi manjoke'e uwwaka

hiranna badhaasa anga abixxe'en› hitine kulle» hiyye.

12 Ardikinna «Woyyichcha Mageniike ardanna Duuchchi Woddiki Gootti Anjireeke»

hiyyemaan;

Atinna Iyyerusaalem «Hasendeeteexxe

waalendeboxxoke ookkone qachcha» hiyyendatton.