Mageniinki Erganji Manjokee Asseexxa Eloxxa Yaane
1 No’o lanqennexxa yaane aate amane?
Duuchchi Woddike Goottixxe hirre ayyaa iffe?53:1 Yoh. 12:38; Rom. 10:16.
2 Isi edo isi mudhiinsha
bagoke buttinanaa’n fuleeke hiddishsha nophpheen;
Ille aaxxaaxxa danchumma yookaan gaachchanna afeemmabaan;
isoo eenannoshsha assitaaxxa dhagganna afe’emmabaan.
3 Isi mannake’n tuffatemeekennaa gibemeeke;
yaaddotike manjonnaa abari isonaa’n gatebaakemman.
Manni alba isonaa’ni sho’edhaa qico’ni
Tuffatemeemmakeman; no’onnaa isoo ulfeessinebo’no.
4 Dhugaandinn isi dhibo no’oxxa adhdhe;
elagonphe no’oxxanna ba’edhe;
no’o kinni Mageni isoo ga’neeshsha
isoo ote’eshsha, madeesseeshsha assinenne.53:4 Mat. 8:17.
5 Yaane kinni isi no’oxxee sa’eexxi oteme;
no’oxxe balleessaxxe bullo’e;
Iso’n ibbeexxi mura woxxa no’o’a nage’a iyyedagge;
mada isixxenninna fayyinenne.53:5 1 Phex. 2:24.