4 हाम्हां निं ईंयां गल्‍ला आपणैं लान्हैं सुन्हैं का च़ोरी डाहणीं,

हाम्हां खोज़णअ आगली पोस्ती का

बिधातो बल अर तेऊए महान कामें बारै कि

तेऊ किहै-किहै नुआहरै काम आसा किऐ दै।

5 बिधाता दैनअ याकबे आद-लुआद इज़राईली मणछा लै आपणअ बधान।

तेऊ आसा म्हारै दाद-बाब नैरी-समझ़ाऊई डाहै दै कि

तेऊओ बधान डाहै पठी आपणैं शोहरू-माठै का खोज़ी,

6 ताकि हर पोस्तीए मणछा बधाने शिक्षा भेटे अर

तिंयां तेऊ बधाना आगली पोस्ती का खोज़े।

7 इहअ करै हणअ तिन्‍नां परमेशरा दी पाक्‍कअ भरोस्सअ,

नां तिंयां परमेशर बिधाता किऐ दै महान कामां बिस्सर्नै।

तेखअ ज़िऊंणीं तिन्‍नां तेऊ साबै ज़िन्दगी ज़िहअ तेऊ हुकम आसा किअ द।