यशायाह 40

28 क्या तुसे नि जाणदे? क्या तुसे नि सुणेया? यहोवा जो सदा रणे वाल़ा परमेशर ओर पूरी तरतिया खे बनाणे वाल़ा ए, से थकदा नि, ना ई कमजोर ऊँदा, तेसरी बुद्धिया रा कोई अन्त नि ए। 29 से थके रेया खे तागत देयोआ ओर कमजोरा खे शक्ति देयोआ। 30 जवान थकी जाओए ओर तिना खे राम करने री जरूरत पड़ी जाओई ओर जवान ठोकर खाई की रूड़ी जाओए, 31 पर जो यहोवे खे मतादा रिया उम्मीदा ते न्याल़ोए, तिना खे नवीं तागत मिलदी रणी, सेयो उकाबो जेड़े उडदे रणे, सेयो दौड़ने ओर बेओश नि ऊणे ओर चलणे पर थकणे नि।