ବାବିଲତି କାବୁର୍ ଅନିକାର୍
1 ଆୟା ସମୟ୍ତୁ ବଲ୍ଦନ୍ଦି ମାରିନ୍ ବାବିଲଦି ରାଜା ମରୋଦକ୍ ବଲ୍ଦନ୍ ହିଜକିୟ ଲାକ୍ତୁ ସିଟି ମାରି ଦାନ୍ ପକ୍ତାନ୍; ଇରିଙ୍ଗ୍ ୱାନି ନବ୍ ଆନିକା ମାରି ନେଗେଣ୍ତ୍ ଆନି କାବୁର୍ ୱାନ୍ ୱେର୍ହାମାର୍ହାନ୍ । 2 ଆବେନୁ ହିଜକିୟ ୱାରିମାଣାନ୍ ୱେଡ଼ିକା ଆଜି ନିଜେଦି ନାଣ୍ଡଦାରା ଜିନିସ୍ଦି ଇଲୁ, ୱେଣ୍ଡି, ବାଙ୍ଗାରାମ୍, ବାସ୍ନାଦି ଜିନିସ୍, ନାଣ୍ଡ ଦାରାଦି ନିୟୁ ମାରି ନିଜେଦି ସାଜୁ ଇଲୁ ମାରି ନିଜେଦି ଇଣ୍ଡ୍ରଣି ୱିଜୁ ଜିନିସ୍ ୱାରିଙ୍ଗ୍ ତର୍ତାନ୍; ହିଜକିୟ ଆମାକା ୱାରିଙ୍ଗ୍ ତର୍ଏତାନ୍, ଇୟାୱାଜା ଏମେବା ଜିନିସ୍ ୱାନି ଇଣ୍ଡ୍ର କି ୱାନି ୱିଜୁ ରାଜିଦୁ ସିଲେତାତ୍ । 3 ନାସ୍ତିୱାଲେ ଜିସାଇୟ ବବିସତ୍ବକ୍ତା ହିଜକିୟ ରାଜା ଲାକ୍ତୁ ୱାଜି ୱାନିଙ୍ଗ୍ ଇର୍ହାନ୍, "ଇୟା ଲୋକୁ ଇନିକା ଇର୍ହାର୍ ? ୱାର୍ ଏମେବାଣାନ୍ ନି ଲାକ୍ତୁ ୱାତାର୍ ?" ଆବେଟ୍ ହିଜକିୟ ଇର୍ହାନ୍, "ୱାର୍ ଆକରି ଦେସ୍ ବାବିଲଦାନ୍ ନା ଲାକ୍ତୁ ୱାତାମାନାର୍ ।"
4 ଆବେଟ୍ ୱାନ୍ ୱେନ୍ବାତାନ୍, "ୱାର୍ ମି ଇଣ୍ଡ୍ର ଇନିକା ସୁଡ଼ୁତାମାନାର୍ ?" ଆବେନୁ ହିଜକିୟ ଡ଼େସି ଇର୍ହାନ୍, "ନା ଇଣ୍ଡ୍ର ଆମାକା ଆମାକା ମାନାତ୍, ୱିଜୁ ୱାର୍ ସୁଡ଼ୁତାମାନାର୍; ଆମାକା ନାନ୍ ୱାରିଙ୍ଗ୍ ତର୍ପ୍ଏତା, ଇୟାୱାଜା ଆମା ଜିନିସ୍ ନା ଇଡ୍ନି ବାକ୍ରାଦୁ ସିଲେତାତ୍ ।"
5 ଇବେନୁ ଜିସାଇୟ ହିଜକିୟଙ୍ଗ୍ ଇର୍ହାନ୍, "ପ୍ରବୁଦି ମାଟା ୱେନ୍ଆ । 6 ସୁଡ଼ୁଦୁ, ନି ଇଣ୍ଡ୍ରଣି ୱିଜୁ ଜିନିସ୍ ମାରି ନେରୁ ସାନ୍ଦି ନି ଡକ୍ରାଦାଦାର୍ ଉଣ୍ଡାକିତି ୱିଜୁ ଜିନିସ୍ ବାବିଲତୁ ଅନି ବେଡ଼ା ୱାଜିନାତ୍; ପ୍ରବୁ ଇନାନ୍, ଇନିକାବା ଡ଼ିସାଏତ୍ । 7 ମାରି, ମି ମାରିନ୍କା ମାଣାନ୍ ଆମାକାର୍ ମି ନେତେର୍ଦାନ୍ ଜନମ୍ ମାରି ମି ମାଣାନ୍ ଜନମ୍ଆନାର୍, ୱାରିଙ୍ଗ୍ ୱାର୍ ଅନାର୍ ମାରି ୱାର୍ ବାବିଲ ରାଜାଦି ମେଡ଼େତୁ ବେଜୁ ଆଜି ତେବାନାର୍ ।"
8 ନାସ୍ତିୱାଲେ ହିଜକିୟ ଜିସାଇୟଙ୍ଗ୍ ଇର୍ହାନ୍, "ନିନ୍ ପ୍ରବୁଦି ଆମା ମାଟା ଇର୍ହିମାନି, ଆକା ନେଗିକା ।" ୱାନ୍ ମାରି ଇର୍ହାନ୍, "ଇର୍ରିଙ୍ଗ୍ ନା ବେଡ଼ାଦୁ ସାନ୍ତି ମାରି ସତ୍ ଇଗାୱାନାତ୍ ।"
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)