ସିୟୋନଦି ପୁନି ଦରୁ
1 ଆୟା ସାନ୍ଦି ମାଡ୍ ଆୟା ଉଣ୍ତିଙ୍ଗ୍ ଆଲ୍ଜି ମାନ୍ଏଟ୍ ମାରି ଜିରୁସାଲମ ଉଣ୍ତିଙ୍ଗ୍ ରୋମ୍ଏଟ୍ । ଆମା ସାନ୍ଦି ସିୟୋନଦି ଦାର୍ମୁ ଜାଇଦି ୱାଜା ମାରି ୱାନି ରକିୟା କାସ୍ନି ଦିୱାଦି ୱାଜା ତରାଇ ଆଏତ୍, 2 ମାରି, ଆଇ ଦେସ୍ତି ଲୋକୁ ମି ଦାର୍ମୁ ମାରି ୱିଜେରେ ରାଜାର୍ ମି ଗୌରବ୍ ସୁଡ଼ୁନାର୍; ମାରି, ମିରୁ ସଦାପ୍ରବୁଦି ମୋକମ୍ ଦାନ୍ ଉନ୍ଡ୍ରି ପୁନା ଦର୍ତାନ୍ ୱେଙ୍ଗ୍ନିଦେର୍ । 3 ମାରି, ମିର୍ ପ୍ରବୁଦି କିୟୁଦୁ ଉନ୍ଡ୍ରି ସୁନ୍ଦରତି ମୁକୁଟ୍ ୱାଜା ମାରି ମି ମାପୁରୁଦି କିୟୁଦୁ ଉନ୍ଡ୍ରି ରାଜାଦି ମୁକୁଟ୍ ୱାଜା ଆନିଦେର୍ । 4 ମିରୁ "ଡ଼ିସ୍ତିକାର୍" ଇଜି ମାରି ଦର୍ ମାନ୍ଏତ୍, ମାରି ମି ଦେସ୍ "ଅରେନ୍ନେ" ଇଜି ମାରି କୁକାଇ ଆଏତ୍; ମାତର୍ "ମିର୍ ହିପ୍ସିବା62:4 ହିପ୍ସିବାଦି ଅରତ୍ ଆଜିନାତ୍ ୱେଡ଼ିକା ମାରି ମି ଦେସ୍ ବିୟଲା62:4 ବିୟଲା ଅରତ୍ ଆଜିନାତ୍ ପେଡ଼ିଆନିକା" ଦର୍ଦାନ୍ ୱେଙ୍ଗିଁନାତ୍; ଇର୍ରିଙ୍ଗ୍ ସଦାପ୍ରବୁ ମି ଲାକ୍ତୁ ୱେଡ଼ିକା ପୋଇନାନ୍ ମାରି ମି ଦେସ୍ ପେଡ଼ିଆତିକା ଆନାତ୍ । 5 ମୁରୁଲି କଡ଼ ଏଣ୍ତେସ୍ ରିପା ଆଇଲିଦିଙ୍ଗ୍ ପେଡ଼ି ଆନାନ୍, ଆୟାୱାଜା ମି କଡ଼ର୍ ମିଙ୍ଗିଁ ପେଡ଼ି ଆନାର୍; ମାରି କାନ୍ୟାମୁରୁଲି ଏଣ୍ତେସ୍ ରିପାଦି ଲାକ୍ତୁ ୱେଡ଼ିକା କିନାନ୍, ଆୟାୱାଜା ମି ମାପୁରୁ ମି ଲାକ୍ତୁ ୱେଡ଼ିକା କିନାନ୍ । 6 ଏ ଜିରୁସାଲମ, ନାନ୍ ମି କାତିଦି ମୁସୁକୁ କାପ୍କିନି ଲୋକାଙ୍ଗ୍ ଇଟ୍ତାମାନା; ୱାର୍ ୱେଡ଼େ ନାଡ଼ା ଏସେଙ୍ଗ୍ବା ଆଲ୍ଜି ମାନ୍ଏର୍ । 7 ଏ ପ୍ରବୁଙ୍ଗ୍ ଏତ୍ କିବିସ୍ନି ଲୋକୁ, ଆୟା ସାନ୍ଦି ଜିରୁସାଲମତୁ ବାଡି କିଏର୍ ମାରି ଦୁନିଆ ଲୋଇ ୱାନିଙ୍ଗ୍ ୱେଡ଼ିକାଦି ଲୋକୁ କିଏନ୍, ଆୟାସାନ୍ଦି ମିର୍ ରୋମ୍ମାଟ୍, ଗି ୱାନିଙ୍ଗ୍ ରୋମ୍ଦେଙ୍ଗ୍ ସିମାଟ୍ । 8 ପ୍ରବୁ ନିଜେଦି ଉଣି କିୟୁ ମାରି ସାକ୍ତିଦି କିୟୁଦାନ୍ ପାର୍ମାଣ୍ କିତାମାନାନ୍, "ସତ୍ନେ ନାନ୍ ମି କାଦି ମି ସାତ୍ରୁରିଙ୍ଗ୍ କାଦି ଉଣ୍ତିଙ୍ଗ୍ ମାରି ସିଏନି ମାରି ଆମା ଦାନିଉଣ୍ଡିଙ୍ଗ୍ ନିନ୍ ପାଣି କିତିମାନି, ନି ଆୟା ଅଙ୍ଗୁର୍ରସ୍ ଆଇ ଦେସ୍ତି ଲୋକୁ ମାରି ଉଣୁଏର୍ନି । 9 ମାତର୍ ଆମାକାର୍ ଆକା ଉଣ୍ଡା କିତାମାନାର୍, ୱାର୍ ଆକା ଉଣୁଜି ପ୍ରବୁଦି ପ୍ରସଂସା କିନାର୍ ମାରି ଆମାକାର୍ ଆକା ଉଣ୍ଡା କିତାମାନାର୍, ୱାର୍ ମା ପବିତ୍ର ବାଡିଦି ଦୁୱାର୍ତୁ ଆକା ଉଣାର୍ ।" 10 ମିର୍ ସାଣ୍ତ୍ରୁ, ଗାଡ଼୍ତି ଦୁୱାର୍ ସିଜି ସାଣ୍ତ୍ରୁ; ଲୋକା ସାରି ତିୟାର୍ କିଦୁ; ଉଚା କିଦୁ, ପେରିଜାରି ଉଚା କିଦୁ; କାଲ୍କୁ ୱିଜୁ ସପ୍ସି ଉଣ୍ଡା କିଦୁ; କୁଡ଼ାଦି ଉଣ୍ତିଙ୍ଗ୍ ଉନ୍ଡ୍ରି ଜେଣ୍ତା ପେର୍ଦୁ । 11 ସୁଡ଼ୁଦୁ, ସଦାପ୍ରବୁ ଦୁନିଆଦି ୱିଜିତି ସାନ୍ଦି ଇକା ୱେର୍ତାମାନାନ୍, "ମିର୍ ସିୟୋନଦି ରିପାଦିଙ୍ଗ୍ ଇଣ୍ଡ୍ରୁ, ସୁଡ଼ୁଦୁ, ମି ରକିୟା ୱାଜିନାତ୍, ସୁଡ଼ୁଦୁ, ୱାନି ଦାନ୍ ୱାନି ୱାଲେ ମାନାତ୍ ମାରି ୱାନି ପାଣି ୱାନି ଆଗ୍ଡ଼ି ମାନାତ୍ ।" 12 ମାରି, ଲୋକୁ ୱାରିଙ୍ଗ୍ "ପବିତ୍ର ଲୋକୁ ପ୍ରବୁଦି ମୁକୁଡ଼ାତିକାନ୍ ଇଜି କୁକୁନାର୍," ମାରି, ମିରୁ "ମାପୁରୁ ଜିବନ୍ନୋତି ଗାଡ଼୍, ମାପୁରୁ ଡ଼ିସ୍ଇମାନି ଗାଡ଼୍" ଇଜି ୱେଙ୍ଗିଁନାତ୍ ।
/images/a/WG5FS9VaSWVnVmV3VI8yP)
/images/a/a0208299-6f37-40a0-66e1-2576b9435f00)