3 ୱାର୍‌ ଇଜିନାର୍‌, "ମାଡ୍‌ ଏନ୍ଦା ଉପାସ୍‌ କିତାମାନାଟ୍‌ ମାରି ମିର୍‌ ସୁଡ଼ୁଇଦେର୍‌ ?" ମାପ୍‌ ଏନ୍ଦା ନିଜେ ନିଜେଦି ଜିବନ୍‌ତିଙ୍ଗ୍‌ କାସ୍ଟୁ ସିଜିନାଟ୍‌ ମାରି ନିନ୍‌ ମୋନ୍‌ଦିୟାନ୍‌ ସିଏଜିନି ? ସୁଡ଼ୁଦୁ, ମିର୍‌ ଉପାସ୍‌ଦି ଦିନ୍‌ତୁ ନିଜେଦି ସୁକ୍‌ କିଜିନି ମାରି ସାକ୍ତିଦି ୱିଜୁ ପାଣି କିଜିନି । 4 ସୁଡ଼ୁଦୁ, ମିର୍‌ ଜାଟିଙ୍ଗ୍‌ ମାରି ଆଉଲି ଉଣ୍ତିଙ୍ଗ୍‌, ମାରି ତାଗ୍‌ଇରୁପ୍‌ ମୁଟିଦାନ୍‌ ଡାକ୍‌ନି ଉଣ୍ତିଙ୍ଗ୍‌ ଉପାସ୍‌ କିଜିନିଦେର୍‌; ମି ମାଟା ମୁସ୍‌କୁପୁର୍‌ତୁ ଏଣ୍ତେସ୍‌ ୱେନାଇଆନାତ୍‌, ଇୟାୱାଜା ଉପାସ୍‌ ନେରୁ ମିର୍‌ କିଇଦେର୍‌ । 5 ଇୟା ୱାଜା ଉପାସ୍‌, ଲୋକୁ ନିଜେଦି ଜିବନ୍‌ତିଙ୍ଗ୍‌ କାସ୍ଟୁ ସିନି ଉଣ୍ତିଙ୍ଗ୍‌ ଇୟାୱାଜାଦି ଦିନ୍‌, ମାଡ୍‌ ଇନିକା ମୋନ୍‌କିତା ମାନାଟ୍‌ ? ନାଡ଼ା ମାରାକୁ ୱାଜା ତାଲା ୱାକ୍‌ନିକା, ମାରି ବାସ୍ତା ଆଙ୍ଗିଁ ମାରି ନିରୁ ନିଜେଦି ଆଡ୍‌ଗି ପାର୍‌ନିକା, ଦେନିଙ୍ଗ୍‌ ମିର୍‌ ଉପାସ୍‌ ମାରି ପ୍ରବୁଦି ଉଦେସ୍‌ତାନ୍‌ ଡ଼ିସ୍‌ନି ଦିନ୍‌ ଇଜି ଇନିଦେର୍‌ ?

6 ଆମା ଉପାସ୍‌ ୱେଡ଼ିକା ଆନାତ୍‌, ଆକା ଇନିକା ଇକା ଆଏତ୍‌ ? ତାଗ୍‌ଇୱାନି ଗାଟି କୁତ୍‌ତେଙ୍ଗ୍‌, ପୁନ୍ଦିଦି ଗାଟି କୁତ୍‌ତେଙ୍ଗ୍‌ ମାରି ବଜୁଦୁ ମାନି ଲୋକାଙ୍ଗ୍‌ ମୁକୁଡ଼ା କିଜି ଡ଼ିସ୍‌ତେଙ୍ଗ୍‌, ମାରି ୱିଜୁ ପୁନ୍ଦିଙ୍ଗ୍‌ ରୁକ୍‌ନି ଉଣ୍ତିଙ୍ଗ୍‌,