1 ମାପୁରୁ ପ୍ରବୁଦି ଆତ୍ମା ନାବାନୁ ମାନାତ୍‌; ଇର୍ରିଙ୍ଗ୍‌ ସାନ୍ତିଦି ଲୋକା ଲାକ୍‌ତୁ ନେଗିକାବୁର୍‌ ୱେର୍‌ତେଙ୍ଗ୍‌ ପ୍ରବୁ ନାଙ୍ଗି ଦାଇତ୍‌ ସିତା ମାନାନ୍‌; ଦୁକ୍‌ତି ଜିବନ୍‌ତି ଲୋକାଦି ଗାଉ ତର୍‌ତେଙ୍ଗ୍‌, ତରାତିମାନି ଲୋକା ଉଣ୍ତିଙ୍ଗ୍‌ ମୁକ୍‌ଡ଼ାକିନିକା ମାରି ଜଇଲ୍‌ତୁ ମାନି ଲୋକା ଉଣ୍ତିଙ୍ଗ୍‌ ଜଇଲ୍‌ତାନ୍‌ ମୁକୁଡ଼ା ଆନିକା ମାଟା ୱେର୍‌ତେଙ୍ଗ୍‌; 2 ପ୍ରବୁଦି ୱାଜିନି ଦିନ୍‌ ମାରି ମା ମାପୁରୁଦି ବାଦ୍‌ଲୁ ଅନି ନାଣ୍ତିଙ୍ଗ୍‌ ୱେର୍‌ନି ଉଣ୍ତିଙ୍ଗ୍‌; ଆଡ଼୍‌ବାନି ଲୋକାଙ୍ଗ୍‌ ୱିଜେରିଙ୍ଗ୍‌ ସାନ୍ତି ସିଦେଙ୍ଗ୍‌; 3 ସିୟୋନଦି ଆଡ଼୍‌ବାନି ଲୋକା ତାଲେକ୍‌, ନିରୁଦି ବାଦ୍‌ଲୁ ଟପି, ଦୁକ୍‌ତି ବାଦ୍‌ଲୁ ୱେଡ଼ିକାଦି ନିୟୁ, ଦୁକ୍‌ତି ଆତ୍ମାଦି ବାଦ୍‌ଲୁ ପ୍ରସଂସା ୱାଜା ଆଙ୍ଗିଁ ସିଦେଙ୍ଗ୍‌ ୱାନ୍‌ ନାଙ୍ଗିଁ ପୋକ୍‌ତାମାନାନ୍‌; ଆବେନୁ ପ୍ରବୁ ଏଣ୍ତେସ୍‌ ଗୌରବ୍‌ ଆନାନ୍‌, ଇୟା ଉଣ୍ତିଙ୍ଗ୍‌ ୱାର୍‌ ଦାର୍ମୁଦି ଅଲନ୍‌ ମାରାନୁ ମାରି ୱାନି ଡଡି ଇଜି ୱିଙ୍ଗିଁନାର୍‌ ।