ՍԱՂՄՈՍՆԵՐ 130

1 Օրհներգություն տաճար բարձրացող ուխտավորների համար

Տե՛ր, սիրտս չհպարտացավ,

Եվ աչքերս չխրոխտացան.

Մեծամեծների հետ ես չքայլեցի,

Ոչ էլ նրանց հետ, ովքեր գերազանց էին ինձնից։

2 Այլ խոնարհվեցի մոր ստինքից կտրված

Մանուկի նման, որի ցանկությունը

Նույն տեղը դառնալն է։

Իսկ եթե հպարտացրի անձս,

Թող այսպես լինի հատուցումը հոգուս.

3 Տիրոջը հուսաց Իսրայելը

Այսուհետև մինչև հավիտյան։