ՍԱՂՄՈՍՆԵՐ 81

1 Սաղմոս Ասափի

Աստված կանգնեց աստվածների ժողովի մեջ

Եվ նրանց մեջ դատ արեց.

2 Մինչև ե՞րբ պիտի դատեք անիրավությամբ

Եվ մեղավորների կողմը բռնեք։

3 Որբի և այրու դա՛տը տեսեք,

Խոնարհի և անտունի իրավո՛ւնքը տեսեք։

4 Ապրեցրե՛ք աղքատին և տնանկին.

Մեղավորի ձեռքերից փրկե՛ք նրանց։

5 Չիմացան և չհասկացան, խավարի մեջ ընթացան,

Եվ երկրի բոլոր հիմքերը շարժվեցին։

6 Ես ասացի. «Աստվածներ եք դուք,

Կամ բոլորդ՝ Բարձրյալի որդիներ։

7 Ահավասիկ դուք մեռնում եք մարդկանց նման

Եվ ընկնում եք, ինչպես մեկն իշխաններից։

8 Ելի՛ր, Աստվա՛ծ, և դատի՛ր երկիրը, որովհետև

Դու ես ժառանգելու բոլոր հեթանոսներին»։