Սաղմոսներ 31

Ապաշխարության աղոթք

1 Դավթի՝ սաղմոս իմաստության

Երանի՜ նրանց, ում մեղքերին թողություն տրվեց,

Եվ նրանց, ում բոլոր հանցանքները ներվեցին։

2 Երանի՜ այն մարդուն, որին Տերը մեղավոր չի համարում,

Եվ որի բերանում նենգություն չկա։

3 Լռեցի ես, և իմ բոլոր ոսկորները մաշվեցին

Մշտապես՝ գիշերուզօր Տիրոջն աղաղակելուց։

4 Քո ձեռքը ծանրացավ ինձ վրա. դեպի թշվառություն դարձա,

Որովհետև փշերն ինձ ծակծկեցին։

5 Մեղքերս քեզ ցույց կտամ

Եվ անօրենություններս չեմ ծածկի քեզանից։

Ասացի. «Ես ինքս կպատմեմ մեղքերս Տիրոջը»,

Եվ դու թողություն կտաս

Իմ բոլոր մեղքերի ամբարշտությանը։ Հանգիստ