1 ଆମାକାର୍‌ ସାହାଜ୍ୟ ଉଣ୍ତିଙ୍ଗ୍‌ ମିସରତୁ ସୋନାର୍‌ ମାରି ଗଡ଼େଙ୍ଗା ମୁସୁକୁ ଆସା କିନାର୍‌ ମାରି ରତ୍‌କୁ ନାଣ୍ଡ୍‌ ଆତିଙ୍ଗ୍‌, ମାରି ଗଡ଼େଙ୍ଗ୍‌ ସାଲାକିନିକାର୍‌ ନାଣ୍ତ ସାକ୍ତି ଆତିଙ୍ଗ୍‌ ୱାରି ମୁସୁକୁ ବିସ୍‌ବାସ୍‌ କିନାର୍‌; ମାତର୍‌ ଇସ୍ରାଏଲତି ଦାର୍ମୁଦି ମାପୁରୁ ଉଣ୍ତିଙ୍ଗ୍‌ ସୁଡ଼ୁଏର୍‌, ମାରି ସଦାପ୍ରବୁଙ୍ଗ୍‌ ରେବାଏର୍‌, ୱାର୍‌ ଦଣ୍ତ୍‌ ପୋଇନି ଲୋକୁ ! 2 ଇରିଙ୍ଗ୍‌ ୱାନ୍‌ ବା ବୁଦିଦିକାନ୍‌ ମାରି ୱାନ୍‌ ସେଇକା ଗୋଟାକିନାନ୍‌, ମାରି, ନିଜେଦି ମାଟା ମାରିସ୍‌ କିଏନ୍‌; ମାତର୍‌ ୱାନ୍‌ ସେଇପାଣିକିନି କୁଟୁମ୍‌ଦି ଲୋକା ବିରୁଦ୍‌ତାନ୍‌ ମାରି ଅଦାର୍ମୁଦିୱାରି ସାକାକିନି ଲୋକା ବିରୁଦ୍‌ତାନ୍‌ ନିଙ୍ଗ୍‌ନାନ୍‌ ।