Isaías 66

Te Momo Koropiko i Hiahia te Atua

1 Ko te kupu tēnei a Ihowā:

"Ko te rangi tōku torōna,

ko te whenua tōku tūranga waewae.

Kei hea te whare ka hangā nei e koutou mōku?

Kei hea hoki te wāhi hei okiokinga mōku?

2 Ko ēnei mea katoa hoki he mea hanga nā tōku ringa,

ā, nā konā ēnei mea katoa i oti ai,"

e ai tā Ihowā;

"Ko tēnei ia tāku e titiro ai,

ko te tangata e iti ana, kua marū te wairua,

ā, e wiri ana ki tāku kupu.

3 "Ko te tangata e patu ana i te kau,

me te mea e tukituki ana i te tangata;

te tangata he reme nei tāna patunga tapu,

me te mea he kakī kurī e pōutoa ana e ia;

te tangata e whakaeke ana i te whakahere,

me te mea e whakaeke ana i te toto poaka;

te tangata e tahu ana i te whakakakara,

me te mea e manaaki ana i te whakapakoko.

Āe rā, kua whiriwhiria e rātou ō rātou ara,

e āhuareka ana hoki tō rātou wairua ki ā rātou mea whakarihariha.

4 Ka whiriwhiria anō e ahau ō rātou whakaaro horihori,

ā, ka kawea a rātou i wehi ai ki runga ki a rātou.

Nō te mea i karanga ahau,

ā, kīhai tētahi i whakaō mai, i kōrero ahau,

ā, kīhai rātou i rongo;

heoi mahia ana e rātou te kino i tāku tirohanga,

ā, whiriwhiria ana e rātou te mea kīhai i paingia e ahau."

Ka Whakatikatika a Ihowā i a Hiona

5 Whakarongo ki te kupu a Ihowā,

e te hunga e wiri ana ki tāna kupu:

"Ko ō koutou tuākana i kino rā ki a koutou,

i pei rā i a koutou, he whakaaro ki tōku ingoa

i mea, ‘Kia whakakorōriatia a Ihowā,

kia kite hoki mātou i tō koutou koa!’

Nā, ka whakamā rātou.

6 He reo, he ngangau, kei te pā,

he reo kei te temepara,

ko te reo o Ihowā

e whakautu ana i ōna hoariri.

7 "Kīanō ia i whakamamae,

kua whānau;

kīanō i pā ōna mamae,

kua whānau he tāne.

8 Ko wai i rongo i te pēnei?

Ko wai i kite i ngā mea pēnei?

E whakamamae rānei te whenua i te rā kotahi?

E whānau rānei te iwi i te meatanga kotahi?

Whakamamae kau hoki a Hiona,

kua whānau āna tama.

9 Tērā rānei e meinga e ahau kia taka te ara,

ā, kia kaua e whānau?" e ai tā Ihowā.

"Ka meinga rānei e ahau kia whānau,

ā, kopia iho te kōpū?" e ai tā tōu Atua.

10 "Kia koa tahi me Hiruhārama, whakamanamana ki a ia,

e te hunga katoa e aroha ana ki a ia;

kia hari tahi me ia, kia hari,

e te hunga katoa e tangi ana ki a ia.

11 He mea hoki ka ngote koutou, ā, ka mākona i te ū,

arā i āna whakamārie,

he mea hoki ka whakatete koutou,

ā, ka ora te ngākau i te nui o tōna korōria."

12 Ko te kupu hoki tēnei a Ihowā:

"Nanā, ānō he awa te rangimārie ka horahia atu e ahau ki a ia;

ānō he waipuke te korōria o ngā tauiwi;

ko reira koutou ngote ai;

ka hikitia koutou ki ōna kaokao,

ka poipoia ki ōna turi.

13 Ka rite anō hoki ki te tangata e whakamārietia ana e tōna whaea,

ka whakamārie anō ahau ki a koutou;

ka whai whakamārietanga anō koutou i roto i Hiruhārama."

Te Kīngitanga me te Whakatakariri o Ihowā

14 Ka kite koutou i tēnei, ka koa ō koutou ngākau;

ko ō koutou wheua, koia anō kei te otaota te tupu;

ā, ka mōhiotia te ringa o Ihowā ki āna pononga,

tōna riri ki ōna hoariri.

15 Nanā, ka haere mai a Ihowā me te ahi,

ko ōna hāriata koia anō kei te tūkauati;

ki te tuku i tōna riri i runga i te weriweri,

i tāna whakatūpehupehu i roto i ngā mura ahi.

16 Nō te mea he ahi tā Ihowā, me tāna hoari anō,

ina totohe ia ki ngā kikokiko katoa,

ka tokomaha anō ngā tūpāpaku a Ihowā.

17 "Ko te hunga e whakatapu ana i a rātou, e pure ana i a rātou i ngā kāri, e whai ana i tētahi i waenganui, ko te hunga e kai ana i te kikokiko poaka, i te mea whakarihariha, i te kiore, ka pau ngātahi rātou, e ai tā Ihowā.

18 "E mōhio ana hoki ahau ki ā rātou mahi, ki ō rātou whakaaro. Tēnei ake ka huihuia e ahau ngā iwi katoa, ngā reo, ā, ka haere mai rātou, ka kite i tōku korōria.

19 "Ka meinga anō e ahau he tohu ki roto i a rātou, ka ungā anō e ahau ō rātou mōrehu ki ngā iwi, ki Tarahihi, ki Puru, ki Ruru, ki te hunga kukume kōpere, ki Tūpara, ki Iawana, ki ngā motu i tawhiti kīhai nei i rongo ki tōku rongo, kīhai anō i kite i tōku korōria; ā, ka whakaaturia e rātou tōku korōria i roto i ngā tauiwi. 20 Ka kawea mai anō e rātou ō koutou tēina katoa i roto i ngā iwi katoa hei whakahere ki a Ihowā, i runga i te hōiho, i te hāriata, i te amo, i te muera, i te kāmera tere, ki tōku maunga tapu ki Hiruhārama," e ai tā Ihowā; "ka rite ki tā ngā tama a Īharaira e kawe nei i te whakahere i roto i te oko mā ki te whare o Ihowā. 21 Ka tango hoki ahau i ētahi o rātou hei tohunga, hei Rīwaiti," e ai tā Ihowā.

22 "Ka rite hoki ki te rangi hou, ki te whenua hou, ka hangā nei e ahau, ā, ka pūmau tonu ki tōku aroaro, e ai tā Ihowā; ka pērā te pūmau o tō koutou uri, o tō koutou ingoa. 23 Ā tēnei ake ka haere mai ngā kikokiko katoa i tēnei marama, i tēnei marama, i tēnei hāpati, i tēnei hāpati, ki te koropiko ki tōku aroaro," e ai tā Ihowā. 24 "Ā, ka haere atu rātou, ka mātakitaki ki ngā tinana o ngā tāngata i hē nei ki ahau; e kore hoki tō rātou kutukutu e mate, e kore anō tō rātou ahi e tineia, ā, hei mea whakarihariha rātou ki ngā kikokiko katoa."

A falsa religião é condenada

1 Assim diz o Senhor:

O céu é o meu trono,

e a terra o escabelo dos meus pés;

que casa me edificaríeis vós?

E qual seria o lugar

do meu descanso?

2 Porque a minha mão fez todas estas coisas,

e assim todas elas foram feitas,

diz o Senhor;

mas para esse olharei,

para o pobre

e abatido de espírito,

e que treme

da minha palavra.

3 Quem mata um boi é como o que tira a vida de um homem;

quem sacrifica um cordeiro é como o que degola um cão;

quem oferece uma oblação é como o que oferece sangue de porco;

quem queima incenso

em memorial é como o que bendiz a um ídolo;

também estes escolhem os seus próprios caminhos,

e a sua

alma se deleita nas suas abominações.

4 Também eu escolherei as suas calamidades,

farei vir sobre eles os seus temores;

porquanto clamei

e ninguém respondeu,

falei e não escutaram;

mas fizeram o que era mau aos meus olhos,

e escolheram aquilo

em que eu

não tinha

prazer.

5 Ouvi a palavra do Senhor,

os que tremeis

da sua palavra. Vossos irmãos,

que vos odeiam

e que

para longe vos lançam por amor

do meu nome, dizem:

Seja glorificado o Senhor,

para que vejamos a vossa alegria;

mas eles

serão

confundidos.

6 Uma voz de grande rumor virá

da cidade, uma voz

do templo, a voz do Senhor,

que dá o pago aos

seus inimigos.

7 Antes que estivesse de parto,

deu à luz; antes

que lhe viessem as dores,

deu à luz um menino.

8 Quem jamais ouviu tal

coisa? Quem viu coisas

semelhantes? Poder-se-ia fazer nascer uma terra num só dia? Nasceria uma nação

de uma só vez?

Mas Sião esteve

de parto

e já deu

à luz seus

filhos.

9 Abriria eu a madre,

e não geraria? diz o Senhor;

geraria eu,

e fecharia

a madre?

diz o teu Deus.

A bem-aventurança perpétua de Sião

10 Regozijai-vos com Jerusalém,

e alegrai-vos por ela,

vós todos os que a amais;

enchei-vos por ela de alegria,

todos os

que por ela pranteastes;

11 Para que mameis,

e vos farteis dos peitos

das suas consolações;

para que sugueis,

e vos deleiteis

com a abundância da sua glória.

12 Porque assim diz o Senhor:

Eis que estenderei

sobre ela a paz

como um rio,

e a glória dos gentios

como um ribeiro que transborda;

então mamareis,

ao colo vos trarão,

e sobre os joelhos

vos afagarão.

13 Como alguém a quem consola sua mãe,

assim eu vos consolarei;

e em Jerusalém vós

sereis consolados.

14 E vós vereis

e alegrar-se-á o vosso coração,

e os vossos ossos reverdecerão

como a erva tenra;

então a mão

do Senhor será notória aos seus servos,

e ele se indignará

contra os seus

inimigos.

15 Porque, eis que o Senhor virá

com fogo;

e os seus carros

como um torvelinho;

para tornar a sua ira

em furor, e a sua repreensão

em chamas de fogo.

16 Porque com fogo e

com a sua espada entrará o Senhor

em juízo com toda a carne;

e os mortos

do Senhor serão

multiplicados.

17 Os que se santificam, e se purificam, nos jardins uns após outros; os que comem carne de porco, e a abominação, e o rato, juntamente serão consumidos, diz o Senhor.

18 Porque conheço as suas obras e os seus pensamentos; vem o dia em que ajuntarei todas as nações e línguas; e virão e verão a minha glória. 19 E porei entre eles um sinal, e os que deles escaparem enviarei às nações, a Társis, Pul, e Lude, flecheiros, a Tubal e Javã, até às ilhas de mais longe, que não ouviram a minha fama, nem viram a minha glória; e anunciarão a minha glória entre os gentios. 20 E trarão a todos os vossos irmãos, dentre todas as nações, por oferta ao Senhor, sobre cavalos, e em carros, e em liteiras, e sobre mulas, e sobre dromedários, trarão ao meu santo monte, a Jerusalém, diz o Senhor; como quando os filhos de Israel trazem as suas ofertas em vasos limpos à casa do Senhor. 21 E também deles tomarei a alguns para sacerdotes e para levitas, diz o Senhor.

22 Porque, como os novos céus,

e a nova terra,

que hei de fazer,

estarão diante da minha face,

diz o Senhor,

assim também há

de estar a vossa posteridade

e o vosso nome.

23 E será que desde uma lua nova até

à outra,

e desde um sábado até

ao outro,

virá toda a carne a adorar perante mim,

diz o Senhor.

24 E sairão, e verão os cadáveres dos homens que prevaricaram contra mim; porque o seu verme nunca morrerá, nem o seu fogo se apagará; e serão um horror a toda a carne.