1 Ke ini Isrel akewuọhọ ato Iyib adi,

Yekọb aketooho abio mbon asen usem,

2 Yuda amaakappa ado adisana itie Abasi

Isrel akappa ado itie ukara amọ.

3 Akpainyañ amaase anyʌñ afeghe,

Yọdan amaatịmme edem;

4 mme ikpọabod emaetaam nte akukịmedọñ;

mme ntək abod enyʌñ etaam nte nditọ edọñ.

5 Akpainyañ, ntak afo akefegheke-e?

Yọdan, nsoo ikido ntak afo aketịmmeke edem?

6 Mme ikpọabod, nsoo ikido ntak yak ndufo etamma, nte akukịmedọñ,

ndufo mme ntək abod, nte nditọ edọñ?

7 Nyeñ idem ke iso Abọọñ, afo ederimbod,

ke iso Abasi Yekọb,

8 anye a-akenamma itiad ekappa ube mmọọñ,

mme nsọọñ itiad ekappa edo mme idịm mmọọñ.