1 Iben inọ Abọọñ, ndufo mbon anyọñ,

iben ubọọñ ye adudu inọ Abọọñ.

2 Inọ Abọọñ ubọọñ a-adotto anyịñ amọ;

ikpono Abọọñke uyai adisanaido amọ.

3 Uyio Abọọñ aba ke anyọñ mmọọñ;

Abasi ubọọñ atop nte aduma,

Abọọñ atop nte aduma ke anyọñ ikpọ mmọọñ.

4 Uyio Abọọñ anie adudu;

uyio Abọọñ anie uku.

5 Uyio Abọọñ asai mme sida;

Abọọñ asai mme sida Lebanọn mbai-mbai.

6 Anye anam Lebanọn afrọ nte ñyịn enañ,

Siriọn nte ñyịn ayaaraenañ ikọd.

7 Uyio Abọọñ asakka

ye akebkeb.

8 Uyio Abọọñ anyeeñe akpautatan

Abọọñ anyeeñe Akpautatan Kades.

9 Uyio Abọọñ anam edob aman ñyịn mbemiso akemini, uyio Abọọñ anwịn mme afriyo

anyʌñ ayaaña mme akai abono ukpọk.

Ndin ke tembịd amọ afịd awo ebọñ, "Ubọọñ!"

10 Abọọñ atie ke ebekpo ke anyọñ ukwọ;

Abọọñ atie nte Adidem ke nsi-nsi.

11 Abọọñ anọ ikọd amọ adudu;

Abọọñ adiọñ ikọd amọ ye emem.