1 Abọọñ akara, yak ederimbod enem esịd;

yak mme esʌk edaara.

2 Ntọñanyọñ ye akpọsọñ ekịm ekanna anye ekʌk;

adinenido mme unen edo itiad idakisọñ ebekpo amọ.

3 Ikañ abem anye iso

anyʌñ ata mme asua amọ e-ekannake anye ekʌk.

4 Akebkeb amọ anam ekondo ayamma;

ederimbod ekịt enyʌñ enyeñ idem.

5 Mme ikpọabod etaara nte ndukpe ke iso Abọọñ,

ke iso Abọọñ afịd iso isọñ.

6 Mme hefịn ebʌk adinenido amọ,

afịd mme idịd ekịt ubọọñ amọ.

7 Afịd mbon se ikpono mme ubobod usioidem ekịt abuud,

mbon se inam inua ke mme ubobodñkpọ,

ekpono anye, afịd ndufo mme abasi!

8 Saiyọn akop anyʌñ adaara

ndin mme idʌñ ke Yuda enem esịd

ke ntak ubiideikpe mfo, Abọọñ.

9 O Abọọñ, afo ado Andikoñ Ñkan ke afịd iso isọñ;

afo amekoñ akan afịd mme abasi.

10 Yak mbon se ima Abọọñ esua idiọọkñkpọ,

sia anye akpeme uwem ndinen ikọd amọ

anyʌñ afak ammọ asio ke ubọk mbon ibak.

11 Unwana ayamma anọ ndinen awo,

enyʌñ enọ mbon nti esịd idaara.

12 Ndufo mme ndinen awo, idaara ke Abọọñ,

inyʌñ itooro adisana anyịñ amọ.