1 Abọọñ, adiikpeene die Abọọñ? Afo ayamfre miin ke nsi-nsi?

Afo adindịp miin iso mfo ikpeene die?

2 Ami ndiinwana ye akikere mmi nọ akpeene die

ndin kwa usen nnie mfʌhọ ke esịd mmi?

Asua mmi adiñkan ikpeene die?

3 Suuk anyen nse miin nyʌñ bọọrọ, Abọọñ Abasi mmi.

Nam anyen mmi anwaña, me idooho ntoro ñyaadaiya idab ñkpa,

4 ndin asua mmi ayaabo, "Ami mmekan anye,"

mbon se inyʌñ inam ikọ ye ami eyaedaara ke ami mmaaduọ.

5 Ado ami mbuọt idem ke ima mfo ake imiikpuuho;

esịd mmi adaara ke adinyaaña mfo.

6 Ami ñyaakwọ itooro Abọọñ,

sia anye afọn ye ami.