1 Ikwọ ufa ikwọ inọ Abọọñ,

sia anye anam mme utịppe ñkpọ;

ubọk nnasia amọ ye adisana ubọk amọ

enam adinyaaña enọ anye.

2 Abọọñ anam yak ediọọñọ adinyaaña amọ

anyʌñ ayaara adinenido amọ anọ mme idịd.

3 Anye amaatoiyo ima amọ

ye akpanikọ amọ anọ Isrel;

afịd mme utịd ederimbod ekịt

adinyaaña Abasi ñnyịn.

4 Afịd ederimbod, isio ñkpo idaara inọ Abọọñ,

ibịmme isio ikwọ idaara ye mbre;

5 ibre ikwọ ke ekpa inọ Abọọñ,

ibre ke ekpa ye uyioikwọ,

6 ye adʌk ye uyom nnʌk akukịmedọñ,

isio ñkpo idaara ke iso Abọọñ, ye Adidem.

7 Yak akpainyañ mme afịd se idọñọ ke esịd ekpot,

ekondo, ye afịd se idʌñ ke anye.

8 Yak mme inyañ ekwak ubọk ammọ

yak mme ikpọabod ediana keed ekwọ ikwọ idaara;

9 Yak ammọ ekwọ ke iso Abọọñ,

sia anye asʌk adi adibiide ikpe nnọọ ederimbod.

Anye ayaabiide ikpe anọ ederimbod ke adinenido

anyʌñ anọ mme awo unen.