1 Abasi mmi, ntoppo miin ikpe,

nyʌñ kpe ikpe iwuod mmi

baña idịd ammiinamma akpanikọ.

Mfak miin sio ke ubọk

mbon abiaña ye mbon ibak.

2 Afo ado Abasi itie ubọkkọ mmi.

Nsoo inam afo ansịn miin?

Ntaha a-anaaha ami nsaña mfʌhọ,

mbaña ufiik asua?

3 Dọñ unwana mfo ye akpanikọ mfo nnọ miin,

yak ammọ endat miin usʌñ;

yak ammọ emben miin edi adisana abod mfo,

itie a-afo adʌññọ.

4 Ndin ami ñyaaka ke iso akpokoro uwa Abasi,

kpa Abasi, idadesịd mmi ye inemesịd mmi.

Ami ñyautooro fiin ye ndidoudʌk,

O Abasi, Abasi mmi.

5 Ukpọñ mmi, nsoo inam nọ afo afʌhọ?

Nsoo inam afo antịmede ke esịd idem?

Dot anyen ke Abasi,

ke ñyaasʌk ntooro anye,

Andinyaaña mmi ye Abasi mmi.