1 Yak Abọọñ ubọọrọ fiin ke usen nnananyen;

yak anyịñ Abasi Yekọb ukpeme fiin.

2 Yak anye anọ unwam ato adisana itie amọ usọk

anyʌñ unọ ibededem ato Saiyọn.

3 Yak anye atoiyo afịd ñwaidem mfo

anyʌñ abọ mme ufọfọb uwa mfo.

4 Yak anye unọ fiin se esịd mfo ayem

anyʌñ anam afịd uduak mfo awuọ awọt idem.

5 Yak ñnyịn isio ñkpo idaara ke abaña adikan mfo

inyʌñ ibenne mme afọñidiọọñọ ñnyịn ke anyọñ ke anyịñ Abasi ñnyịn.

Yak Abọọñ anam afịd se afo abeeñe.

6 Idahami mmediọọñọ mbo ke:

Abọọñ anọ anye emaekeyet adan adikan.

Anye atie ke adisana itie amọ ke anyọñ abọọrọ anye

ke adudu adinyaaña ubọk nnasia amọ.

7 Ubaak awo enie idodanyen ke sariọd, ubaak ke enañmbakara,

ado ñnyịn inie idodanyen ke anyịñ Abọọñ Abasi ñnyịn.

8 Edọñ ammọ edọñ ke isọñ ammọ enyʌñ eduọññọ,

ado ñnyịn idakka ida inyʌñ ida ñkpad iba.

9 Abọọñ, nọ adidem adikan!

Bọọrọ ñnyịn imaukoot!