1 Kop ayịd mmi, O Abasi;

kpañ utọñ nọ akam mmi.

2 Ami ntie ke mme utịd ederimbod mbọñ ukoot fiin,

ami ukoot fiin ñkeene naña esịd mmi amem,

mben miin kaa itiad ake akoñño añkan miin.

3 Sia afo ado itie udịbe mmi,

akpọsọñ tọwa ake akanna mme asua.

4 Andọñ miin adidʌñ ke atayad mfo ke nsi-nsi

ñnyʌñ ndịbe ke mfuud idak mba mfo.

5 Sia afo, Abasi, amekop mme enwọñọ mmi;

afo amennọ miin akpọọkpọ udeeme, ake afo anọọhọ mbon se ibaak anyịñ mfo.

6 Dian mme usen uwem nọ adidem,

yak anye akịt uwak emana.

7 Yak anye atie ke ebekpo ke iso Abasi ke nsi-nsi;

nam ima ye akpanikọ mfo akpeme anye.

8 Ndin ami ñyaakwọ ntooro anyịñ mfo ke nsi-nsi,

ñnyʌñ nsio mme akaaña mmi ke usen ke usen.